November 21, 2017

DidiMn Logo

دەرهێنەری ئێرانی ئەمین بەهرۆزی شانۆییی ڕۆژانی بێ باران دەباتە تەبلیسی

لە لایەن دیدی من 1 year لەمەوبەر

دیدی منتەهران تایمز

لە ئینگلیزییەوە: پشتیوان کەمال


دەرهێنەری ئێرانی ئەمین بەهرۆزی، پلانی داناوە بۆ نماییشکردنی شانۆییی ڕۆژانی بێ باران، کە لە ئێستادا لە هۆڵی سایەی تاران نماییش دەکرێت، لە داهاتوویەکی نزیکدا بباتە شاری تەبلیسی.

بەهرۆزی ئاشکرای کرد کە شانۆییەکە لە لایەن کاستێکی ئێرانی و جۆرجیایییەوە لە شانۆی گڵۆب نماییش دەکرێت. ئەم گروپە لە لایەن دەرهێنەری جۆرجیایی ساندرۆ مرێڤلیشڤیلی بانگهێشت کراون، ئەمیش شانۆیییەکەی لە مانگی شوباتدا لە ٣٤ـهەمین خولی فێستیڤاڵی فەجری تاران‌ـدا بینیووە.

بەهرۆزی سەردانی شانۆی گڵۆب‌ـی کردووە بۆ دیاریکردنی کاستی شانۆیییەکەی.

ئەو دەڵێت: “شانۆییی گڵۆب کە کەسانی زۆر شارەزا و ئەندام و گروپی زۆر پڕۆفیشناڵی تێدایە، ئامادەکاریی زۆر باشیان کردووە بۆ نماییشکردنی شانۆیییەکە.”

هەروەها دەڵێت: “لە یەکەم سەردانمدا، چاوم بە هەندێک لە ئەندامەکان کەوت و کۆمەڵێک مەشقی سەرەتایییمان ئەنجامدا.”

ئەو گوتی کە ئەکتەرە جۆرجیایییەکان زۆر گونجاون لەگەڵ شانۆیییەکەدا: “چەند جارێک شانۆیییەکەیان خوێندبووەوە پێش ئەوەی چاوم پێیان بکەوێت.”

بەهرۆزی دەڵێت کە ئەو پەیوەندییەکی زۆر باشی هەیە لەگەڵ ئەندامی کاستە جۆرجیایییەکەدا و توانایان هەیە کە لە شانۆیییەکە تێبگەن، هەرچەندە شانۆیییەکە پڵۆتێکی لۆکاڵیی هەیە.

شانۆییی ڕۆژانی بێ باران باس لە پوریا دەکات، کوڕێکی گەنج لە کێشەی ئەوەدا دەژی کە نازانێت لە نێوان نەشتەرگەریی سەری، کە ڕەنگە کاریگەریی هەبێت بۆ سەر یادەوەرییەکانی، یاخود   ژیانێکی کەم لەگەڵ ئەویندارەکەیدا و بە هەبوونی هەموو یادەوەرییەکانی ئەو پەیوەندییەی هەیبووە کامیان هەڵبژێرێت.

 

 

Emin Behruzi, Iran, PshtewanKamal, Tblissi, Theater,