ئەو پەیامانەی بوونە هۆکاری بەردەوامبوونی فێستیڤاڵی نێوەدەوڵەتیی فیلمی دهۆک

دیدی منپشتیوان کەمال

فیلمسازان، ڕۆژنامەنووسان، کەسایەتییە ناسراوەکان، بەرپرسانی حکومی و بینەرانی فێستیڤاڵی فیلمی دهۆک لە پاش ڕاگەیاندنی ئەنجامنەدانی خولی ئەمساڵی فێستیڤاڵەکە بەهۆی نەبوونی پشتگیری و قەیرانی دارایییەوە، هەریەکە و بە جۆرێک پشتگیریی خۆیان بۆ بەردەوامبوونی فێستیڤاڵی نێوەدەوڵەتیی فیلمی دهۆک پیشان دا.

شەهیان تەحسینی ڕۆژنامەنووس دەڵێت: “نکوڵی لەوە ناکەین کە ئێمە لە ناوچەیەکی پڕ لە ئاژاوەدا دەژین، لەگەڵ داعشدا شەڕمان هەیە و پەنابەرێکی زۆریش ڕووی لە ناوچەکە کردووە، بەڵام هەر لەبەر ئەمەیە کە ئێمە پێویستمان بەو فێستیڤاڵە هەیە! بڕوام وایە کە هەڵوەشاندنەوەی فێستیڤاڵی نێوەدەوڵەتیی فیلمی دهۆک کۆتایی هاتنی پڕۆژەیەکی ئاسایی نییە، ئەمە کۆتایییەکی تراژیدییە بۆ خەونێکی گەورە.”

13882157_1172664616118200_7652865602189935265_n

مانۆ خەلیلی فیلمساز لە سویسراوە پەیامی خۆی ناردووە و دەڵێت: “من ئامادەم، خۆم و فیلمەکەشم بۆ ئەوەی بەشداری لە فێستیڤاڵەکەی خۆماندا بکەین. دەتوانین ئەم کارە بکەین و بۆ خۆشمان ئاهەنگ بگێڕین، پێویستمان بە پشتگیریی دارایی نییە. ڕێزی بگرن.”

13873008_1172664592784869_6552303335206521238_n

سەهیم عومەر خەلیفەی فیلمساز لە بەلجیکاوە دەڵێت: “فێستیڤاڵی نێودەوڵەتی فیلمی دهۆک باشترین و گەورەترین فێستیڤاڵی فیلمی کوردییە لە جیهاندا. لەدەستدانی شەرمەزارییەکی گەورەیە، داوا دەکەین ئەم فێستیڤاڵە بەردەوام بێت.”

13882538_1172664496118212_9129454390809250941_n

سۆلین یوسفی فیلمساز لە بەرلینی ئەڵمانیاوە دەڵێت: “فێستیڤاڵی نێودەوڵەتیی فیلمی دهۆک و ستافەکەی شتەکان شیاو دەکەن، کە لە ڕاستیدا شیاو نەبوون بۆ بەدەستهێنان ئەمەش نموونەیەکی گەورەیە کە هونەر، سینەما و فیلم لە کاتی پەژارە و جەنگدا دەتوانن بەدەستی بهێنن. خەڵکی یەک دەخەن، هیوایان پێ دەبەخشێت و وایان لێ دەکات بڕوا بەوە بهێنن کە هەموو شتێک شیاوی ڕوودانە.”

12472488_1172664612784867_563992446992023446_n

زانیار ئادەمی فیلمساز لە ستۆکهۆڵمی سویدەوە: “فێستیڤاڵی نێودەوڵەتیی فیلمی دهۆک گرنگترین ڕووداوی فیلمی کوردییە. وەک فیلمسازێکی کورد لە غەریبیدا پشتمان بە فێستیڤاڵەکە بەستووە، هەم بۆ پیشاندانی فیلمەکانمان بۆ بینەرانی کورد هەروەها بۆ دروستکردنی فیلم لە ناوچەکەدا.”

13895019_1172664506118211_287225796424264598_n

سینسیا غاناتیۆس، یاریدەدەری ڕێکخەری فێستیڤاڵی نێودەوڵەتیی فیلمی بەیروت دەڵێت: “دڵگرانین بە بیستنی هەواڵی داخستنی فێستیڤاڵی نێوەدەوڵەتیی فیلمی دهۆک، هیوا دەخوازم تەواوی قەیرانەکانی ناوچەکە کۆتایی پێ بێت لە زووترین کاتدا.”

13895600_1172664502784878_7775607804608674604_n

ڕێناس میرانی بەرهەمهێنەری موزیک لە بەرلینی ئەڵمانیاوە دەڵێت: “ئەمە شەرمەزارییەکی گەورەیە، فێستیڤاڵی نێوەدەوڵەتیی فیلمی دهۆک هیوای پێ بەخشین بۆ هونەر و کلتوور لە ناوچەکەدا، ئێستا ئەم هیوایە نەما!”

13876147_1172664689451526_608947354432346759_n

تۆماس کۆسلەر لە ئینستیتوتی گۆتەوە: “هیوا دەخوازم ئەمە کۆتایی نەبێت.”

13906712_1172664696118192_6039649043645498348_n

فێریت کاراهانی فیلمساز لە ئیستەنبوڵی تورکیاوە: “هەروەها سینەماش دەکرێت ئاشتی و لێکتێگەیشتن دروست بکات. فێستیڤاڵەکانی فیلم بینەر و کلتوور دروست دەکات. هەموان دەبێت پشتگیری فێستیڤاڵی نێوەدەوڵەتیی فیلمی دهۆک بکەن کە یەکێکە لە فێستیڤاڵە بەنرخەکانی فیلمی کوردی. بۆ سینەما، بۆ کلتوور و بۆی ڕزگارکردنی ڕۆحی مرۆڤایەتی.”

13892057_1172664706118191_9049457488355391319_n

تیم ڕێدفۆرد لە کلێرمۆنتی فێراندی فەڕەنساوە دەڵێت: “من زۆر دڵتەنگم بە بیستنی هەواڵی داخستنی فێستیڤاڵی نێوەدەوڵەتیی فیلمی دهۆک.”

13872646_1172664752784853_412625601290559206_n

کامیران بێتاشی فیلمساز لە زاخۆوە دەڵێت: “لە زۆر شوێن و لە زۆر کاتدا، زۆر بە شانازییەوە گوتوومە کە من کوردم، فێستیڤاڵێکی گەورەشمان هەیە، فێستیڤاڵی نێودەوڵەتیی فیلمی دهۆک، کە دەتوانێت خۆی دروست بکات و لە ماوەیەکی کەمیشدا توانی ناوبانگێکی زۆر باش بۆ خۆی دروست بکات لە ئاستی نێودەوڵەتیدا. من سوپاسی هەموو ئەوانە دەکەم کە توانیان ئەم فێستیڤاڵە ڕێک بخەن، زۆر دڵتەنگیشم بە ئەنجام نەدانی فێستیڤاڵەکە لەم ساڵدا بەهۆی نەبوونی پشتگیرییەوە.”

13902581_1172664766118185_937112150183977543_n

زانیار عەزیزی، فیلمسازی کوردستانی ڕۆژهەڵات دەڵێت: “پشتگیریی فێستیڤاڵی نێوەدەوڵەتیی فیلمی دهۆک دەکەین.”

13872939_1172664762784852_7478213310557439956_n

پشتیوان کەمال، ڕۆژنامەنووسی کلتووری لە شاری سلێمانییەوە دەڵێت: “فێستیڤاڵی نێودەوڵەتیی فیلمی دهۆک یەکێکە لە باشترین فێستیڤاڵەکان کە لە لایەن کۆمەڵێک گەنجی بەتواناوە ڕێک دەخرێت.”

13903389_1172664802784848_6353721157310488153_n

کاردۆ مەنسووڕ، فیلمساز لە ئۆسلۆی نەرویجەوە: “ئەمە جێگەی دڵتەنگییە کە فێستیڤاڵەکە ڕووبەڕووی کۆمەڵێک قەیرانی دارایی بووەتەوە و دەکرێت دابخرێت. ئەمە یەکێکە لەو شتانەی کاریگەریی دەبێت لەسەر من و زۆر جێگەی شانازی و دڵخۆش بووم کە ساڵی پار لە فێستیڤاڵەکەدا ئامادەبووم. ئێوە پشتگیریی منتان هەیە و هیوا دەخوازم کە فێستیڤاڵە بچووکە جوانەکەمان پشتگیریی زیاتر بەدەست بهێنێت و داخستنیشی هەرگیز ڕوو نەدات.”

13882630_1172664822784846_6567458598775711072_n

ئۆزکان کوجوکی فیلمساز لە ئامەدی کوردستانی باکوورەوە دەڵێت: “سینەما پێویستییەکی سەرەکییە بۆ مرۆڤایەتی.”

12472498_1172664816118180_5891130401854243424_n

ئانا دێ مانینکۆر، فیلمسازی زیمەرفرێی لە ئیتاڵیاوە دەڵێت: “من زۆر بەداخم بۆ داخستنی فێستیڤاڵی نێوەدەوڵەتیی فیلمی دهۆک، فێستیڤاڵەکە ڕووداوێکی کلتووریی گەورەیە و لە ئیتاڵیاوە بەدوایدا دەچین.”

13754126_1172664879451507_7243520027898566686_n

ئارتور زابۆرسکی لە ڕوسیاوە: “من زۆر بەداخم بۆ بیستنی هەواڵی داخستنی فێستیڤاڵی نێوەدەوڵەتیی فیلمی دهۆک. وزە و هەستی باش دەنێرم بۆ فێستیڤاڵەکە. هیوا دەخوازم ئەمە کۆتا جار بێت فێستیڤاڵەکە ئەنجام نەدرێت.”

13901462_1172664936118168_5297655397469540723_n

گیولیا دۆبرێ، ڕەخنەگری فیلم لە بوخاریستەوە: “دڵگرانم بە بیستنی ئەنجامنەدانی فێستیڤاڵی نێوەدەوڵەتیی فیلمی دهۆک. من هەر وەک پشتگیریکارێکی بەردەوام دەمێنمەوە لە هەموو خوداکان دەپاڕێمەوە کە یارمەتیتان بدەن و ساڵی ئایندە فێستیڤاڵەکە ئەنجام بدەن و ئێوەش یارمەتیمان بدەن تاوەکو کاتی پڕ لە ئاشتیمان هەبێت پێکەوە.”

13891828_1172664946118167_7778151426699018411_n

ئیبراهیم سەعیدی، فیلمساز لە کوردستانی ڕۆژهەڵاتەوە: “ئەنجامنەدانی فێستیڤاڵەکە لەدەستدانێکی گەورەیە ۆ بزووتنەوەی سینەمای کوردی.”

13912593_1172664986118163_3331190658416070532_n

عەباس عەبدولڕەزاقی سەرۆکی فێستیڤاڵی کورتە فیلمی کەلار لە گەرمیانەوە دەڵێت: “فێستیڤاڵی نێوەدەوڵەتیی فیلمی دهۆک لە هەر سێ خولەکەیدا، توانیوویەتی دەربڕی سینەمای کوردی بێت لە تەواوی جیهاندا و جێی شانازیش بووە بۆ فیلمسازانی کورد لە تەواوی کۆمەڵگەی نێودەوڵەتیدا. بە هەموو توانایەکمەوە پشتگیری ئەم فێستیڤاڵە دەکەم.”

13886874_1172664989451496_5553143605421427554_n

 لە کۆتاییدا و لە ژێر هەموو ئەم فشار و پشتگیرییەی فیلمسازان، ڕۆژنامەنووسان، کەسایەتییە ناسراوەکان، بەرپرسانی حکومی و بینەرانی فێستیڤاڵی فیلمی دهۆک، ئەیوب ڕەمەزان، سەرۆکی فێستیڤاڵی نێوەدەوڵەتیی فیلمی دهۆک، بەردەوامبوونی خولی چوارەمی فێستیڤاڵەی ڕاگەیاند و بڕیارە ئەمساڵ لە بەرواری ٩-١٦\٩\٢٠١٦ خولی چوارەمی ئەو فێستیڤاڵە بەڕێوە بچێت.