گورگەکانی خانمی ١٩٦٨ لە کۆڕێکی شیعریدا

دیدی منئاراس عەبدولڵا

لە درێژەی کار و چالاکییەکانی ناوەندی غەزەلنووس لە شاری سلێمانی، بڕیارە ئێوارەی ڕۆژی پێنج شەممە بەرواری ٤/٨/٢٠١٦، کاتژمێر ٤:٣٠ـی ئێوارە کۆڕێک بۆ شاعیری ڕۆژهەڵاتی کوردستان، شوعەیب میرزایی بەڕێوە بچێت. لەم کۆڕەدا شاعیر ژمارەیەک لە بەرهەمەکانی خۆی دەخوێنێتەوە و هاوکات دوایین بەرهەمی شاعیر بڵاو دەکرێتەوە. دوابەدوای خوێندنەوەی شیعرەکانیش، نووسەر و لێکۆڵەر ئارام سدیق، باسێک دەربارەی شیعری ڕۆژهەڵات بەگشتی و ئەزمونی شوعەیب میرزایی بەتایبەت پێشکەش بە ئامادەبووان دەکات.

13754609_1052367291477785_7222568986537261783_n

دەربارەی ئەم کۆڕە، نووسەر و لێکۆڵەر ئارام سدیق بۆ دیدی من گوتی: “من لە کۆڕەکەدا پاش خوێندنەوەی چەند شیعرێک لەلایەن شوعەیب میرزاییەوە باسێک لە سەر شیعری کوردی لە رۆژهەڵاتی کوردستان پێشکەش دەکەم و دواتر باس لە ئەزموونی شیعریی شوعەیب دەکەم. چونکە شیعر لە رۆژهەڵاتی کوردستان خاوەنی تایبەتمەندیی خۆیەتی هەر لە بەکاربردنی زمان و وێنە و موفرەدەوە تا دەگاتە تەکنیکی شیعری.”
12805786_560981740736960_3114023629809500246_n

گوتیشی: “شیعرەکانی شوعەیب میرزایییش تایبەتمەندیی خۆیان هەیە لە نێو شیعری نوێ لە رۆژهەڵاتی کوردستاندا، ئەو یەکێکە لە دەنگە نوێ و کاریگەرەکان کە توانیویەتی خۆی لە بەشێک لە شیعری نوێی ئەوێش جودا بکاتەوە.”