November 23, 2017

DidiMn Logo

لێکۆڵینەوەیەک دەربارەی بزافی ڕۆشنبیریی هەولێر لە دوو دەیەی سەدەی ڕابردوو

لە لایەن دیدی من 1 year لەمەوبەر

دیدی منئاراس عەبدولڵا

بزافی ڕۆشنبیری لە شاری هەولێر لە ساڵانی ١٩٥٨ بۆ ١٩٧٥، بریتییە لە لێکۆڵینەوەیەکی مێژووییی تایبەت بە شاری هەولێر کە لە لایەن نووسەر و توێژەر، هۆشەنگ ساڵح نەجارەوە ئەنجام دراوە و لە لایەن دەزگای ڕۆساوە لە ئەمساڵدا کاری چاپ و بڵاوکردنەوەی بۆ ئەنجام دراوە و ئێستا لە کتێبفرۆشییەکان دەست دەکەوێت.

دەربارەی ئەم لێکۆڵینەوەیە، هۆشەنگ ساڵح نەجار، نووسەری کتێبەکە، لە پێشەکیی کتێبەکەیدا کە کۆپییەکی بۆ دیدی من نێردراوە، نووسیویەتی: “ئەم لێكۆڵینەوەیە، لە دەروازە و سێ بەش پێک هاتووە. لە دەروازەدا، سەرنجێكی خێرا بۆ بزاڤی ڕۆشنبیریی شاری هەولێر، پێش ساڵی 1958، واتە پێش ماوەی تایبەت بە لێكۆڵینەوەكە خراوەتە ڕوو.”

10551018_337311413083695_8479487877640511297_n
نووسیویشیەتی: “گرنگترین بوارەكانی ڕۆشنبیریی شارەكە، لە توێی پێنج تەوەرەی جیاوازدا باس كراوە، ئەوانیش بریتین لە بوارەكانی خوێندنی ئایینی، خوێندنی فەڕمی، ڕۆژنامەگەری، ئەدەب و هونەر كەوا دەستپێكی جموجۆڵی هەندێكیان لە شارەكەدا دیاری كراوە، وەک بواری ڕۆژنامەگەری و چەند لایەنێكی سەرەڕای باسێكی مێژوویی هەریەكەیان و شێوازی بەشداربوونیان لە كاروانی ڕۆشنبیرییدا. هەرچی بواری خوێندنی ئایینی و بواری ئەدەبییە، بە هۆی ئەوەی مێژوویەكی درێژیان لە شارەكەدا هەیە، تەنها لە هەندێ قۆناغی مێژووییدا ڕەوتی جموجۆڵیان باس كراوە.”

ArasAbdulla, Erbil, Hoshang Salih Najar,