Category Archives: هەواڵ

فۆتۆگرافه‌رێكی به‌نێوبانگی چینیی له‌ ته‌مه‌نی ٢٩ ساڵیدا ’خۆی ده‌كوژێت‘

دیدی منكره‌یچه‌رس

ژیوار جه‌وهه‌ر


به‌رواری ٢٤ـی ٢ـی ٢٠١٧، وته‌بێژی كلێین سه‌ن گه‌له‌ری ڕایگه‌یاند كه‌ فۆتۆگرافه‌ری به‌نێوبانگی چینیی ڕێن هانگ له‌ به‌رلین، له‌ ته‌مه‌نی ٢٩ ساڵیدا كۆچی دوایی كردووه‌.

پڕۆژه‌ فۆتۆگرافییه‌كانی ڕێن هانگ به‌ ڕووتیی مۆدێله‌كانی و هه‌ستیاریی تێماكانی جیا ده‌كرێنه‌وه‌. ڕێن هاوڕێكانی وه‌ك فۆتۆمۆدێل له‌ فۆتۆكانیدا به‌كار ده‌هێنا: ”به‌ شێوه‌یه‌كی گشتی فۆتۆی هاوڕێكانم ده‌گرم، چونكه‌ كه‌سه‌ بێگانه‌كان ده‌مشڵه‌ژێنن.“ ڕێن چه‌ند جارێک كاره‌كانی سانسۆر كراوه‌ و خۆیشی له‌ لایه‌ن حكومه‌تی چینه‌وه‌ ده‌ستگیر كراوه‌.

ده‌ترسم بچمه‌ ده‌ره‌وه‌
به‌ده‌م پیاسه‌كردن به‌ شه‌قامێكدا
بیر ده‌كه‌مه‌وه‌:
جانتای هه‌موو كه‌س
پڕ نییه‌ له‌ پاره‌
به‌ڵكو له‌ چه‌قۆ
هه‌ندێ كه‌س به‌ پاره‌ چه‌قۆ ده‌كڕن
هه‌ندێ كه‌س به‌ چه‌قۆكه‌ پاره‌ ده‌دزن
چه‌قۆیه‌ک ده‌كڕن و پاره‌ی زیاتر ده‌دزن
پاره‌ی زیاتر ده‌دزن و چه‌قۆیه‌كی گه‌وره‌تر ده‌كڕن

له‌ كه‌ناری شه‌قامه‌كه‌ داده‌نیشم
ده‌ترسم بگریم

كلێین سه‌ن گه‌له‌ری له‌ مانگی پێنجی ٢٠١٦ له‌ پێشانگه‌یه‌كدا به‌م جۆره‌ وه‌سفی ڕێن هانگی فۆتۆگرافه‌ر ده‌كات، ”ڕێن هه‌م شاعیر بوو، هه‌م فۆتۆگرافه‌ر. ژینگه‌ی شار و گونده‌كان له‌ فۆتۆكانیدا تێكه‌ڵ ده‌كات و وه‌ک مێتافۆرێک بۆ تایبه‌تمه‌ندیی شار له‌ ڕۆژگاری ئێستادا به‌كار ده‌هێنێت. ده‌ربڕین وهه‌ستی سه‌بجێكتی ناو فۆتۆكانی ئاسایین، به‌ڵام ده‌توانن كاریگه‌رییه‌كی زۆر دروست بكه‌ن.“

ڕێن هانگ له‌ شه‌ڕێكی به‌رده‌وامدا بوو له‌گه‌ڵ خه‌مۆكیدا، كه‌ به‌شێكی تایبه‌تی له‌ ماڵپه‌ڕه‌ تاكه‌كه‌سییه‌كه‌یدا به‌ ناوی «خه‌مۆكیی من» بۆ كردبووه‌وه‌ و به‌ شێوه‌ی شیعر و نووسینی كورت خه‌مۆكییه‌كانی خۆی تێدا یادداشت ده‌كرد. چه‌ند مانگێک پێش ئێستا، له‌ یه‌كێک له‌ تۆڕه‌ كۆمه‌ڵایه‌تییه‌كاندا نووسیویه‌تی: ”هه‌موو ساڵێک ئاره‌زووه‌كه‌م وه‌ک خۆی ده‌مێنێته‌وه‌: زووتر بمرم. هیوادارم ئه‌مساڵ ئه‌م ئاره‌زووه‌م بێته‌ دی.“

ڕۆژنامه‌ی دی مۆرگانی هۆڵه‌ندی ڕایگه‌یاندووه‌ كه‌ ڕێن هانگ خۆی كوشتووه‌، به‌ پێی وته‌ی یه‌كێك له‌ هاوڕێ نزیكه‌كانی، به‌ڵام هێشتا ڕاستیی ئه‌م هه‌واڵه‌ دووپات نه‌كراوه‌ته‌وه‌.

له‌ ڕێگه‌ی ماڵپه‌ڕه‌كه‌یه‌وه‌، ته‌واوی كاره‌كانی ڕێن هانگ ببینن: ماڵپه‌ری تایبه‌تیی ڕێن هانگ

This slideshow requires JavaScript.

پێشانگایەک بۆ ژمارەیەک شێوەکاری کورد دەکرێتەوە

دیدی منئاراس عەبدولڵا

بڕیارە گەلەری (٧ ڕەنگە) بە هاوکاریی یەکێتی ژنانی کوردستان لە بەرواری ٢١ /  ٦ / ٢٠١٦ لە ڕەند گەلەریی شاری سلێمانی پێشانگایەکی شێوەکار بۆ ژمارەیەک هونەرمەندی شیوەکاری باشووری کوردستان بکاتەوە.

دەربارەی گەلەریی (٧ ڕەنگە) بەختیار سەعید سەرپەرشتیاری پرۆژەکە بە دیدی منی ڕاگەیاند: “پرۆژەی (٧ ڕەنگە) بە مەبەستی بە کلتوورکردنی تابۆ دامەزراوە، بۆ ئەوەی تابلۆ شێوەکارانی کورد جێگەی تابلۆی چینی، ئێرانی، تورکی و عەرەبی بگرێتەوە، لەناو ماڵ و دەزگا و ئۆفیس و ئاپارتمان و هۆتێل و هەموو شوێنەکانی تر.”

11

دەربارەی یەکەمین چالکیی ئەم پرۆژەیە ناوبراو گوتی: “لە ئێستادا بە دوو جۆر ٧ ڕەنگە، پێشانگایەک دەکاتەوە، یەکێکیان تابلۆی ئۆرجیناڵی شێوەکارانی کوردە، ئەوەی تر تابلۆکان بەشێوەیەکی کۆپی، بەنرخێکی کەمتر، تاکو هەموو هاوڵاتیان ئەو حەزەیان بێتە دی بۆ بەخاوەنبوونی تابلۆیەک لە ماڵەکەیدا.”

گوتیشی: “شێوەکارە بەشداربووەکان لەسەر ئاستی باشووری کوردستانە لەم قۆناغەدا، لە قۆناغی دووەم شێوەکارانی ڕۆژئاوا دێنە ناو پرۆژەکەوە و بەشداری دەکەن.”

عەزییەکی بچووک بۆ ئەفریقا

دیدی من – وەرگێڕانی لە ئینگلیزییەوە: هەڵۆ فەریق

لیلیان وێبەر، ژنێکی تەمەن ٩٩ ساڵانە، لە ڕێگەی ڕێکخراوێکی خێرخوازییەوە کە ناوی عەزییەکی بچووک بۆ ئەفریقاـیە، وێبەر هەستاوە بە دورینی چەندین جۆر جلوبەرگی جیاواز بۆ مندالانی ئەفریقا؛ ئەم ڕێکخراوە لەگەڵ دابینکردنی جلوبەرگیشدا، هەڵدەستێت بە دروستکردنی خوێندنگە و هەڵکەندی بیر لەو ناوچانەدا کە ئاوی خواردنەوەی پاکیان نییە.

ویبەر خۆزگەی دەخواست کە پێش ئەوەی ببێت بە ١٠٠ ساڵ، بتوانێت ١٠٠٠ عەزی بدورێت؛ خۆشبەختانە پێش ئەوەی ببێت بە ١٠٠ ساڵ، توانی زۆر زیاتر لەو ژمارەیە عەزی بدورێت؛ وەک خۆی دەڵێت: “هەر کاتێک دانەیەک تەواو دەکەم، خێرا دەست دەکەم بە دورینی دانەیەکی تر.”

ویبەر دەڵێت: “زۆربەی خەڵکی پێیان وایە ئێمەی بەتەمەن هێچمان لە دەست نایەت، بەڵام ئەوەتا زۆر شتمان پێ دەکردێت.”

This slideshow requires JavaScript.

سەرچاوە: سینکین هیومانینی

گەلەریی ۹ لە ماڵی چالاک

دیدی من – لاژە تەها

ڕۆژی شەممە، بەرواری ۲۸/٥/۲٠۱٦، حەوتەمین پێشانگای تایبەتی شێوەکار ئاریان ئەبوبەکر، لە ماڵی چالاک کرایەوە و تا بەرواری ٤/٦/۲٠۱٦ بەردەوام دەبێت.

هونەرمەند لە وەڵامی پرسیاری ئەوەی بۆچی پێشانگەکەی لە ماڵی چالاک کردووەتەوە و لە گەلەری ۹، کە گەلەریی تایبەت بە خۆیەتی، نییە، بۆ دیدی من گوتی: “یەکێك لە بیرۆکە سەرەکییەکان ئەوە بوو کە چۆن گەلەریی ۹ یان بەشێك لە گەلەرییەکە ببەین و لە شوێنێکی تر نماییشی بکەین؛ ڕەنگ و تایبەتمەندیی جێگە، بیناکە و بینەر لە ماڵی چالاک زۆر گونجاوە لەگەڵ ئیشەکانی مندا و زۆر دڵخۆشم بەوە.”

هەروەها گوتیشی: “زۆرینەی ئەو ئیشانەی کە لێرە نماییش کراون، پێشتر تەنها لە گەلەریی ۹ نمایش کراون و چەند پارچەیەکی نوێشی تێدایە، کە یەکەم جارە پیشان بدرێن.”

گەلەریی ۹، گەلەریەکی تایبەتە بە کارە هونەری و نیگارەکانی ئاریان ئەبوبەکر، دەکەوێتە شەقامی مەولەوی شاری سلێمانی؛ هەموو ڕۆژانێکی هەینی لە کاتژمێر ۲ـی پاشنیوەڕۆوە تا ٦ـی ئێوارە کراوەیە.

This slideshow requires JavaScript.

دوژمنانی خۆر كێن؟

دیدی من – وەرگێڕانی لە عەرەبییەوە: بەڕێز عەلی

ئەلبینۆکان، ئەو مرۆڤانەن كە بە ڕەنگی سپییەوە لەدایك دەبن، واتە ڕەنگی پێست و قژ و برژانگیان سپییە. ئەم مرۆڤانە لە هەموو جیهاندا بوونیان هەیە، بەڵام تەنها لە وڵاتانی كیشوەری ئەفریقادا زۆرترین توندوتیژییان بەرامبەر دەكرێت؛ لەوێ ئەلبینۆكان هەمیشە لە ترسدا دەژین، چونكە ڕۆژانە هەوڵی كوشتن یاخود بڕینەوەی دەست و قاچیان دەدرێت، بە مەبەستی بەكارهێنانی ئەندامەكانی لەشیان لە چارەسەرە جادووییەكاندا بۆ نەهێشتنی نەخۆشی یاخود بۆ دەوڵەمەندوون و هێنانی بەخت، كە باوەڕیان وایە گەر پەنجەی ئەلبینۆیەک بخرێتە دەریاوە، ئەوا تا هەفتەیەک ماسیگرەكان زۆرترین ماسی ڕاو دەکەن.

Continue reading دوژمنانی خۆر كێن؟