Category Archives: هەواڵ

بە وێنە: بڵاوبوونەوەی دوایین کتێبی دانا ڕەئووف لە ناوەندی غەزەلنووس

This slideshow requires JavaScript.

دیدی من – ئاراس عەبدولڵا

فۆتۆ: پشتیوان کەمال

پاشنیوەڕۆی ڕۆژی ٩/٤/٢٠١٧، لە ناوەندی غەزەلنووس، دوایین کتێبی نووسەر و شانۆکار دانا ڕەئووف، بە ناونیشانی ئەنتوان چێخەف، لە پلاتۆنۆڤ-ەوە بۆ باخی گێلاس، لە مەراسیمێکدا بڵاو کرایەوە.

ئەم کتێبە لە لایەن دەزگای چاپ و پەخشی سەردەمەوە چاپ کراوە و لە مەڕاسیمەکەدا، کە بە ئامادەیی نووسەری کتێبەکە بەڕێوە چوو، کامەران سوبحان دەربارەی کتێبەکە بابەتێکی پێشکەش بە ئامادەبووان کرد و دواتر مەڕاسیمی واژۆکردنی کتێبەکە بەڕێوە چوو.

دوازدەهەمین خولی پێشانگەی نێودەوڵەتیی هەولێر بۆ کتێب دەکرێتەوە

دیدی من

پێشانگەی نێودەوڵەتیی هەولێر بۆ کتێب، ساڵانە لە لایەن دامەزراوەی ئەلمەدا بۆ ڕاگەیاندن و هونەر بەڕێوە دەچێت، بە یارمەتیی حکومەتی هەرێمی کوردستان لە شاری هەولێری پایتەختی هەرێمی کوردستان.

ئەمساڵیش پێشانگەکە دوازدەهەمین خولی لە بەرواری ٥/٤/٢٠١٧دا دەست پێ دەکات و بۆ ماوەی دە ڕۆژ بەردەوام دەبێت، لە هۆڵی پێشانگە نێودەوڵەتییەکان لە ناو پارکی سامی عەبدولڕەحمان.

پێشانگەی نێودەوڵەتیی هەولێر بۆ کتێب، بە گەورەترین چالاکیی ڕۆشنبیریی ساڵ دادەنرێت، کە تێیدا زیاتر لە دووسەد دەزگای بڵاوکردنەوە لە زیاتر لە چل وڵاتی دنیاوە ڕووی تێدەکەن، ئەمەش یەکێکە لە خاڵە ئەرێنییەکانی پێشانگاکە و ئاشنابوونی کلتوورە جیاوازەکان بە یەکتر، یەکێک لە گرنگترین ئامانجەکانی پێشانگەکەیە.

لە ڕێگەی ئەم بەستەرەوە ناوی سەرجەم دەزگا بەشدارەکانی پێشانگەی نێودەوڵەتیی هەولێر بۆ کتێب بزانە:

1 جمال عيرفان
2 منشورات المتوسط
3 دار التكوين
4 مجلة بريار للادارة والتنمية البشرية
5 ناوەندی غەزەلنووس
6 دەزگای چاپ و پەخشی سەردەم
7 ناوةندى ساية
8 ناوەندی ڕۆشنبیریی ئەندێشە
9 دار ابن كثير
10 ناوةني سارا
11 ده‌زگای فێربوون
12 دار التنوير للطباعة والنشر
13 الملتقى العربي لناشري كتب الأطفال
14 دارالثقافه والفن الایرانی
15 جناح الجزائر
16 دار الجيل للنشر والطباعة والتوزيع
17 ديوان الوقف السني – دائرة البحوث والدراسات
18 مكتبة مدبولى
19 دار الافاق العربية للنشر والتوزيع
20 Haval Booksore
21 cihan press
22 روافد للنشر والتوزيع
23 دار الطليعة الجديدة
24 شركة سفير
25 دار الحافظ
26 مكتبة امازون Amazon bookshop
27 books and beyond
28 المكتبة العصرية للطباعة والنشر والتوزيع
29 Aa Studio
30 دیوانی جیهانی کتێب(هەنبانەبۆرینە)
31 دار الكتب العلمية يغداد
32 دار الابداع للنشر و التوزيع
33 دار الحكمة – لندن
34 مكتبة التفسير
35 الدار المتوسطية للنشر
36 خانه‌ی چاپ و په‌خشی ڕێنما
37 United Printing & Publishing
38 آفاق للنشر والتوزيع
39 الدكتور مصطفى االزلمي
40 مكتبة عبدالله سنجاري
41 دار ابن حزم للطباعة والنشر والتوزيع
42 دار البرهان للكتاب العلمي
43 دار الشمال للطباعة والنشر والتوزيع
44 دار الشؤون الثقافية العامة
45 المؤسسة العربية للدراسات والنشر
46 دار الفرقد للطباعة والنشر
47 دار الحضارة للنشر والتوزيع
48 دار الحوار
49 مؤسسة أطفالنا الدولية
50 مكتبة هةورامان
51 مؤسسة الحكمة للثقافة الإسلامية
52 مكتبة الهداية
53 دار المحبة للطباعة والنشر والتوزيع
54 دار الزمان للطباعة والنشر والتوزيع
55 ابن النديم للنشر والتوزيع
56 مؤسسة الأعلمي للمطبوعات
57 Nubihar
58 دار الصادقين
59 مؤسسة شروق للترجمة والنشر
60 مؤسسة حورس الدولية للنشر و التوزيع
61 دار الكتب العلمية
62 كتيبخانةى يادگار
63 دار چینی للطباعة والنشر
64 Koshki Mndalan Company
65 دار علاء الدين
66 دار رسلان
67 Cambridge University Press
68 مكتبة ديرين Dereen Bookstore
69 مركز ئارا للإعلام
70 المكتب المصري تسويق توزيع ترجمة
71 عالم الكتب الحديث للنشر والتوزيع
72 مركز الكتاب للنشر
73 جمعية معاً لحماية الانسان والبيئة
74 دار أمل الجديدة
75 مكتبة ئارام
76 دار طلاس للدراسات والترجمة والنشر
77 دار الملايين للطباعة والترجمة والنشر والتوزيع
78 مؤسسة شباب الجامعة
79 مؤسسة بداية للنشر والتوزيع
80 دار الخير للطباعة والنشر والتوزيع
81 دار الغوثاني
82 مكتبة دار البشير
83 دار المسيرة للنشر والتوزيع
84 دار صادر
85 شركة المطبوعات للتوزيع والنشر
86 منشورات الحلبي الحقوقية
87 دار الفارابي
88 مؤسسة الانتشار العربي
89 دار اراس للطباعة ولنشر
90 دار الفكر الجامعى
91 شركة مكة للبرمجيات
92 الريان ناشرون
93 رؤية للنشر والتوزيع
94 هوم أبليد تراينينغ
95 الهيئة المصرية العامة للكتاب
96 دار المنهاج للنشر والتوزيع وفروعها
97 شركة كلمات للترجمة والنشر
98 مؤسسة موكرياني للطباعة والنشر
99 دار الكتاب الجديد المتحدة
100 المكتبة الهاشمية/سمرقند
101 دار نينوى للدراسات والنشر والتوزيع
102 دار التوفيقية للتراث للنشر والتوزيع
103 المركز العربى للدراسات والبحوث العلمية للنشر والتوزيع
104 دار السلام للطباعة والنشر والتوزيع والترجمة
105 المركز العربي للابحاث ودراسة السياسات
106 دار الجامعة الجديدة
107 دار بيبليون
108 شركة رشاد برس للطباعة والنشر والتوزيع
109 مكتبة الفنون والاداب( مؤسسةاقرأ سابقًا)
110 مؤسسة روسا
111 منتدى المعارف
112 دار الفكر والقانون
113 ده‌زگای چاپ و بلاوکردنه‌وه‌ی کوردستان (ئینتیشاراتی کوردستان)
114 مكتبة الوفاء القانونية
115 ناوەندی ئاوێر
116 مؤسسة المختار للنشر والتوزيع
117 شركة الإبداع الفكري
118 شركة دار الأكاديميون للنشر والتوزيع
119 شركه سندباد للنشر والتوزيع
120 دار نور الصباح
121 العبيكان للنشر
122 دار البيان
123 هيئة أبو ظبي للسياجة والثقافة
124 دار الفكر للطباعة والنشر والتوزيع
125 شركة باراديس لكتب الاطفال و الوسائل التعليمية
126 دار القيروان للنشر والتوزيع
127 دار كنوز لنشر والتوزيع
128 المكتب الجامعي الحديث
129 دار اليقين للنشر والتوزيع
130 دار العصماء – طباعة نشر توزيع
131 دار غار حراء
132 دار الحامد
133 دار الكتاب العربي للنشر والتوزيع
134 الدار الذهبية للنشر والتوزيع
135 شركة أطفالنا الدولية
136 دار غيداء للنشر والتوزيع – darghidaa publishing and Distribution
137 شركة ماس للإنتاج التعليمي
138 دار صفاء للطباعة والنشر والتوزيع
139 كانى عيرفان
140 شركة المؤسسة الحديثة للكتاب
141 نارين للطباعة والنشر والتوزيع
142 دار الجندي للنشر darjundi
143 المركز المصرى لتبسيط العلوم (إيزى توتريالز)
144 دار القلم للطباعة و النشر و التوزيع – دمشق
145 دار النهضة العربية
146 شركة المستقبل للنشر والوسائل التعليمية
147 المكتبة الحديثة ناشرون
148 دار المحجة البيضاء
149 منشورات الجمل
150 منشورات زين الحقوقية
151 مكتبة حسن العصرية للطباعة والنشر والتوزيع
152 دار مكتبة المعارف للطباعة والنشر
153 دار تموز
154 دار الرافدين للطباعة والنشر والتوزيع
155 دارصفحات للنشر والتوزيع
156 دار المستقبل للنشر والتوزيع
157 مركز الحضارة لتنمية الفكر الاسلامي
158 ناوه ندى روشنبير بو چاپ و بلاوکردنه وه
159 شركة المستقبل الرقمي
160 الهيئة العامة السورية للكتاب
161 دار النشر للجامعات
162 دار الوفاء للطباعة والنشر والتوزيع
163 دار أجيال
164 مؤسسة الرحاب الحديثة
165 دار المعرفة للطباعة و النشر و الانتاج الفني
166 دار السنهوري القانونية والعلوم السياسية
167 المركز القومى للاصدارات القانونية
168 Encyclomedia Sal
169 دار علوم الحاسب
170 شركة ميديا بروتك
171 دار الراية للنشر و التوزيع
172 جيكور للطباعه والنشر
173 شركة الشرق الأوسط للبرمجيات
174 دار الكتب القانونية
175 دار فاروس للنشر والتوزيع
176 مكتبة النافذة
177 دار و مكتبة سطور للنشر و التوزيع
178 دار المدى
179 دار الهادي للطباعة والنشر والتوزيع
180 Pathfinder Books
181 مؤمنون بلا حدود للنشر والتوزيع
182 دار وائل للنشر
183 منشأة المعارف
184 مركز نماء للبحوث والدراسات
185 وزارة الثقافة( الناشرون المغاربة)
186 دار البشائر الإسلامية
187 Albion Educational Services
188 الجمعية الدولية للكتاب المقدس
189 دەزگای حاجی قادری کۆیی
190 هاشيت أنطوان \ نوفل
191 مكتبة الإيمان
192 اتحاد الناشرين الليبيين
193 دار النيل تركيا
194 مؤسسة الفرسان للنشر والتوزيع
195 الشبكة العربية للأبحاث والنشر
196 دار الإسراء للطباعة والنشر والتوزيع والترجمة
197 دار الرسالة العالمية
198 دار الطلائع للنشر والتوزيع والتصدير
199 مكتبة ابن سينا
200 دار الساقي
201 دار سوزلر للنشر

نەخشەی پێشانگاکە :

مارسێل پرووست بۆ یەکەمجار لە ڤیدیۆیەکی تازەدۆزراوەدا دەردەکەوێت

دیدی من
 شەماڵ وەلی

دۆزینەوەی کۆپییەکی تایبەتی ڤیدیۆیەک کە مارسێل پرووست، نووسەری ناوداری فەڕەنسی، بۆ چەند چرکەیەک تێیدا دەردەکەوێت، خوێنەرانی ئەو نووسەرەی دڵخۆش کرد.

مامۆستای زانکۆیەکی کەنەدی ڕایگەیاند کە توانیویەتی ڤیدیۆیەک بدۆزێتەوە، کە تەنیا ڤیدیۆیە بە ڕێکەوت مارسێل پرووستی تێدا دەرکەوتووە.

بە پێی هەواڵێکی ئەسۆیشیتێدپرێس، ئەم ڤیدیۆ ڕەشوسپییە تایبەتە بە ئاهەنگێکی هاوسەرگیری کە دەگەڕێتەوە بۆ ساڵی ١٩٠٤، لە ڤیدیۆکەدا پیاوێکی سی‌ساڵان دەردەکەوێت کە سمێڵی هەیە و کڵاوێکی لەسەرە، ئەو پیاوە مارسێل پرووستە.

مارسێل پرووست بە چاکەتوپانتۆڵێکی ڕەساسییەوە دەردەکەوێت کە بە پەلە بە پلیکانەکاندا و بە تەنیا دێتە خوارەوە، کەسەکانی تر کە لە ڤیدیۆکەدا دەبینرێن، ژنومێردن.

ژان پییەر سیرۆ تراهان، مامۆستای زانکۆی لەڤەل لە شاری کەبەکی کەنەدا، ئەم ڤیدیۆیەی لە ناوەندی میللیی سینەما لە پاریس دۆزیوەتەوە.

بە پێی گوتەی تراهان، ڤیدیۆکە تایبەتە بە ئاهەنگی هاوسەرگیریی ئیلن گرۆفول – کچی کۆنتس گرۆفول، کە یەکێک بوو لە هاوڕێ نزیکەکانی مارسێل پرووست و ئیهلامبەخشی ئەو بوو لە بنیادنانی کەسایەتیی ئوریان دوو گرمانت، لە ڕۆمانی گەڕان بۆ کاتی لەدەستچووـدا.

شایەنی باسە مارسێل پرووست لە ساڵی ١٨٧١ـدا لەدایک بوو و لە ساڵی ١٩٢٢ـدا کۆچی دواییی کرد.

ڕۆمانی گەڕان بۆ کاتی لەدەستچوو کە حەوت بەرگە، لە ئێستادا ٣ بەرگی لە کتێبفرۆشییەکاندا، بە وەرگێڕانی سیامەند شاسواری دەست دەکەوێت.

لە شاری کەرەجی وڵاتی ئێران کۆڕێک دەربارەی ڕۆمانێکی بەختیار عەلی ساز دەکرێت

دیدی منئاراس عەبدولڵا


بڕیارە ڕۆژی سێشەممە ڕێککەوتی ٢١/٢/٢٠١٧ لە شاری کەرەجی وڵاتی ئێران، کۆڕێکی تایبەت بۆ ڕۆمانی جەمشید خانی مامم، کە هەمیشە با لەگەڵ خۆیدا دەیبردـی نووسەر و ڕۆماننووسی کورد بەختیار عەلی، بە ئامادەیی وەرگێڕی ڕۆمانەکە بۆ زمانی فارسی، مەریوان هەڵەبجەیی ساز بکرێت.

لە کۆڕەکەدا هەردوو رەخنەگری ئێرانی مەشییەت عەلایی و دكتۆر ڕزگار محەمەدی چەند تەوەرێکی جیا دەربارەی ڕۆمانەکە دەخەنە ڕوو، بە گوتەی وەرگێڕی ڕۆمانەکە بۆ زمانی فارسی، ڕەخنەگرەکان چەند تەوەرێک دەربارەی ڕۆمانەکە دەخەنەڕوو کە خۆیان لە ڕەخنەی دەروونشیکاری، ستراکتۆری و مارکسیستی دا دەبیننەوە. جگە لەمانەیش مەریوان هەڵەبجەیی وەرگێڕ، بابەتێک بەناونیشانی «بەختیار عەلی، شوێن و پێگەی لە ئەدەبیاتی کوردیدا»، پێشکەش بە ئامادەبووان دەکات.

دەربارەی ئەو بابەتەی کە بڕیارە پێشکەشی بکات، مەریوان هەڵەبجەیی وەرگێڕ، بۆ دیدی من گوتی: ”لە کۆڕەکەدا دەربارەی دەستپێکی ڕۆمانی کوردی و ژانی گەل و ئیبراهیم ئەحمەد دەدوێم، هەروەها رۆڵی گۆڤاری گەلاویژ لە ئەدەبی داستانی لەو سەردەمەدا. دواتر حسەین عارف وەک یەکێک لە گرنگترین وێستگەکان و پاشان شێرزاد حەسەن وەک کەسێک کە دابڕانێکی گەورە لە چیرۆک و ڕۆمانی کوردیدا دروست دەکات و دەبیتە رووداوێکی گەورە و خاڵی وەرچەرخان. دواتر دێمە سەر بەختیار علی وەک گەورەترین رووداوی ئەدەبیی سەدەی کورد کە لەسەر چەندین ئاست زۆرترین کاریگەریی لەسەر ئەدەبیاتی کوردی دادەنیت، ئاستێک دەبێتە یەکێک لە گرنگترین پێشرەوەکانی قەسیدەی نەسر لە شیعری کوردیداو فروانبوونی ئەندێشە و پانتایی زمان لە شیعری بەختیار و شیعری کوردیدا، ئاستێکی تر لە ئاستی رۆماندا ، هێنانی تێمای جیاواز و زمانێکی شاعیرانەی قوڵ بۆ ناو رۆمانی کوردی و کردنی کارەکتەری پەڕاویزخراو بە سەنتەر و خەیاڵی فراوان. هەروەها تەوەرێکی تر دەربارەی بەختیار وەک رەخنەگر ، پاشان وەک رەخنگەری سیاسی و کۆمەڵایەتی و …“

لە وەرزی سەهۆڵبەنداندا کۆڕێکی شیعریی بۆ ڕەفیق سابیر

دیدی من

ئێوارەی ڕۆژی ١٨/٢/٢٠١٧ ناوەندی غەزەلنووس ئێواره‌یەکی شیعریی بۆ شاعیری ناسراوی کورد، ڕەفیق سابیر لەناو هۆڵی سینەما سالم ڕێک خست.

لەو ئێوارە شیعرییەدا کە ژمارەیەکی بەرچاو لە خوێنەرانی شاعیر ئامادە بوون، ڕەفیق سابیر کۆمەڵێک لە شیعرە کۆنەکانی هاوشانی چەند تێکستێکی نوێی خۆی بۆ ئامادەبووان خوێندەوە.

This slideshow requires JavaScript.

”لە دوای تۆ ئەم دڵە شکاوەم وەک چرای بەر زریان دەخەمە سەر دەستم.“

لیستی باشترین ڕۆمانە عەرەبییەکانی ساڵی ٢٠١٦

دیدی منئەلرەسیف ٢٢

لە عەرەبییەوە: زرار حەمید

لەگەڵ تەواوبوونی ساڵی ٢٠١٦، ماڵپەڕی ئەلرەسیف ٢٢، کە ماڵپەڕێکی عەرەبیی تایبەت بە کلتوور و ئەدەبیاتی عەرەبی و جیهانە، لیستی باشترین ئەو ڕۆمانە عەرەبیانەی خستە ڕوو، کە لە ساڵی ٢٠١٦دا، لە سەرجەم وڵاتە عەرەبییەکاندا بڵاو کراونەتەوە.

لیستی ڕۆمانەکانیش بەم جۆرەیەیە:

  1. ڕۆمانی من لەبیرکراوم، لە نوسینی محەمەد عیزەدین ئەلتازی، مەغریب 

پوختەیەک لە ڕۆمانەکە: شاول کوڕی عمیسئێل زاز، کەسایەتییەکی یەهوودیی ئەفسانەییە، کە هەزار ساڵ ژیانی کردوە. خاوەنی کۆمەڵێک توانای سەیرە و دەتوانێت لە یەک کاتدا لە زیاتر لە شوێنێک بێت، هەر لەبەر ئەمەش هەموو چیرۆکەکانی جوولەکە مەغریبییەکان دەزانێت و بۆمان دەگێڕێتەوە. چیرۆکی دوو شوێن، بەشێکیان چیرۆکی ئەو جوولەکانەی کە لە مەغریب مانەوە و جێیان نەهێشت، لەگەڵ چیرۆکی ئەو جوولەکانەی کە بڕیاری کۆچیان دا بەرەو فەڵەستین. کاتی ڕۆمانەکە لە نێوان سەدەی سیازدەیەمی زایینی، تاکو کۆچی جوولەکە بەرەو فەڵەستین دوای ساڵانی ١٩٤٨ە.

  1. ڕۆمانی بیاباننشینە بچکۆلەکە، لە نووسینی مەقبوول ئەلعەلەقی، سعوودیە

پوختەیەک لە ڕۆمانەکە: کارەکتەری سەرەکیی ڕۆمانەکە، غەسان، یادەوەرییه‌کانی منداڵیی خۆی، کە لە گوندێکی سعوودی بەسەری بردووە، دەنوسێتەوە. نووسەر دەمانهێنێتەوە سەردەمی ئێستا و باسی ئەو هەموو گۆڕانکارییانە دەکات، کە بەسەر گوندەکەیدا هاتووە لە ئەنجامی بوونی کێڵگەی نەوتی و کاریگەریی لەسەر ناوچەکەی و خەڵکەکەی. هەروەها باس لە چیرۆکی کۆچکردنی خۆی دەکات بەرەو ئەورووپا بۆ خوێندن و ئاشنابوونی بە گرووپی ئەببای سویدی. پاشان دەکەوێتە داوی خۆشەویستیی یەکێک لە گۆرانیبێژەکانی ئەو گرووپە و سەرسامیی بۆ ئەو کچە گۆرانیبێژە، تا بێت زیاتر دەبێت و هەمیشە بەدوای ئەو هەواڵانەوەیە کە لەبارەیەوە بڵاو دەکرێنەوە، تاکو ڕێگەی پێ دەدرێت کە چاوی بە گۆرانیبێژەکە بکەوێت، لەوێوە ئیتر ڕوداوەکان دەست پێ دەکەن.

  1. ڕۆمانی نرخی خوێ، لە نووسینی خالید ئەلبەسام، بەحرەین

پوختەیەک لە ڕۆمانەکە: باوکی حەنا بە هۆی هەژارییەوە کچەکەی دەفرۆشێت، ئەو کەسەی کە حەنا دەکڕێت، ناوەکەی دەگۆڕێتە عەبدە و دەیخاتە لای خزمەتکارەکان؛ لێرەوە لە ژیانی پڕئازاری خزمەتکارەکانەوە، چەند چیرۆکێک دەبیستین، کە دەمانگریەنن. هەر لەوێ، لای خزمەتکارەکان فێری سەماکردن دەبێت، سەما ڕێرەوی ژیانی عەبدە دەگۆڕێت و یەکەم هەنگاوی دەبێت بەرەو ئازادبوونی. نووسەر لە ڕێگەی چیرۆکی حەنا/عەبدەوە، تیشک دەخاتە سەر کۆیلایەتی لە نیمچەدوورگەی عەرەبی و باس لە قۆناغێکی گرنگی مێژووی بەحرەین دەکات، ئەو کاتەی لە ژێر دەسەڵاتی بەڕیتانییەکان بوو.

  1. ڕۆمانی ثـٶلول، لە نووسینی میس خالید عوسمان، کوەیت

پوختەیەک لە ڕۆمانەکە: لە کاتی داگیرکاریی عێراق بۆ سەر کوەیت، کۆمەڵێک سەربازی عێراقی پەلاماری ماڵێکی کوەیتی دەدەن، یەکێک لە سەربازە عێراقییەکان دەستدرێژیی سێکسی دەکاتە سەر سەلوا، کیژۆڵەی ماڵەکە، لە بەرچاوی خێزانەکەیدا. پاش ماوەیەک، هەموان دەزانن کە سەلوا هەڵگری منداڵی سەربازە عێراقییەکەیە لە سکیدا، ماڵی سەلوا بریار دەدەن ئەم نهێنییە بشارنەوە و وای پیشان بدەن کە ئەو منداڵە منداڵی خێزانەکەیە و خوشکی سەلوایە. ڕووداوەکان لێرەوە دەست پێ دەکەن؛ ژیان لەگەڵ منداڵێک، کە سوکایەتییە بۆ خێزانەکە…

  1. ڕۆمانی نەوەی سیندیباد، لە نووسینی حەبیب عەبدلرەب سەروەری، یەمەن

پوختەیەک لە ڕۆمانەکە: لە یەکێک لە بەیانییانەکانی ساڵی ٢٠٢٧دا، عەلوان جاوی کۆمپیوتەرێک لە ناو خاشاکێکدا دەدۆزێتەوە، دەیباتە ماڵەوە و شتەکانی ناو کۆمپیوتەرەکە دەپشکنێت و دەزانێت کە ئەو کۆمپیوتەرە، دەگەڕێتەوە بۆ هاوڕێیەکی بە ناوی نادر غەریب، کە نادر لە ناو ئەو کۆمپیوتەرەدا سەرکێشییەکانی خۆی و گەشتەکانی خۆی هەڵگرتووە. بابەتی ڕۆمانەکە گەڕانی بەردەوامە بەدوای شوێنی نوێدا .

  1. ڕۆمانی چادرە سپییەکە، لە نووسینی لیانە بەدر، فەڵەستین

پوختەیەک لە ڕۆمانەکە: کارەکتەری ڕۆمانەکە، نەشید، لەگەڵ هاوڕێکانی هەڵدەستن بە جێبەجێکردنی پلانەکەیان بۆ ڕزگارکردنی هاجەر لە چارەنووسی بریارلەسەردراوی، کە هاجەر هەڵهاتووە لەدەست ماڵەوە، بە هۆی ترسی لە کوشتنی لەبەر داپۆشینی شەرەفی خێزانەکەی… ڕۆمانەکە باس لە هەلومەرج و بارودۆخی فەڵەستینییەکان دەکات لە ڕووی کۆمەڵایەتی و سیاسیەوە.

  1. ڕۆمانی ئەلرایس، لە نووسینی هاجەر قویدەری، جەزائیر

پوختەیەک لە ڕۆمانەکە: دانیشتوانی دوورگەی قوبرس، داوا لە فەرمانڕەواکەیان دەکەن کە پەنجا گەنجی گێرەشێوێن بنێرن بۆ جیهادکردن لەپێناو ئایینی ئیسلام و دەوڵەتی عوسمانی، تا ئاکار و ڕەوشتیان ڕێک ببێتەوە. بەم شێوەیە، بیفاریتۆ دەگاتە جەزائیر و لە لایەن ڕایس حەمیدۆوە، دەستنیشان دەکرێت بۆ ئەوەی ببێتە یەکێک لە پیاوانی ناو کەشتییەکەی. لێرەوە چیرۆکی دەریا و چەتە دەریاییەکان و بەشەڕهاتنیان لەگەڵ پیاوانی دەوڵەتی عوسمانی دەست پێ دەکات. ڕۆمانەکە باس لە جەزائیر دەکات لە سەردەمی فەرمانڕەوایی عوسمانییەکاندا و چیرۆکی ناودارترین چەتەی دەریامان بۆ دەگڕێتەوە، لە مێژووی جەزائیردا.

  1. ڕۆمانی زرایب العبید، لە نوسینی نەجوا بن شەتوان، لیبیا

  1. ڕۆمانی ساڵی ڕادیۆ، لە نووسینی ڕینیە ئەلحایک، لوبنان
  2. ڕۆمانی شو، لە نووسینی ئەحمەد عەبدولمەلیک، قەتەڕ.

پوختەیەک لە ڕۆمانەکە: پیاوێکی خەلیجی لە لایەن هاوسەرەکەیەوە ستەمی بەرانبەر دەکرێت، هاوسەرەکەی خیانەتی لەگەڵ دەکات و دزیی لێ دەکات و پیاوەکە بە هۆی هاوسەرەکەیەوە دەکەوێتە سووچی بەندینخانە بۆ ماوەی سێ ساڵ. پاش ئازادبوونی لە زیندان، کەسوکاری پشتی تێدەکەن و لە کارەکەی دەردەکرێت، پیاوەکە بڕیار دەدات کە وڵاتەکەی جێ بهێڵێت و ڕوو بکاتە یەکێک لە دوورگەکانی تایلەند و ژیانێکی نوێ دەست پێ دەکات. نووسەر لە ڕێگەی ئەم ڕۆمانەوە باس لە کەشوهەوا و جیاوازیی نێوان کلتووری وڵاتەکەی و تاراوگە دەخاتە ڕوو، لە ڕۆمانەکەدا لەپاڵ ئەم ڕووداوانە، چیرۆکێکی خۆشەویستییش هەیە لەگەڵ ڕوداوەکانی ڕۆمانەکاندا دەڕوات.

    11- ڕۆمانی عناقید الرذیلة، لە نووسینی ئەحمەد وەلەد ئەلحافز، مۆریتانیا

    12- ڕۆمانی گەڕانەوەی میرە، لە نووسینی عائیشە ئەلعاجل، ئیمارات

    13- ڕۆمانی فیردەوسی حەرامکراو، لە نووسینی یەحـیا ئەلقەیسی، ئەردەن

  1. ڕۆمانی ئەیلفیشاوی، لە نووسینی غادە ئەلعەبسی، میسڕ

  2. ڕۆمانی ئامێری خۆشبەختی، لە نووسینی کەمال ئەلزەغبانی، تونس

  3. ڕۆمانی نارنج، لە نووسینی خەوخە ئەلحارسی، عەممان

  1. ڕۆمانی نبوءة السقا، لە نووسینی حامید النازر، سۆدان
  2. ڕۆمانی زەنگەکانی ڕۆما، لە نووسینی جان دۆست، سووریا


  1. ڕۆمانی یولیانا، لە نووسینی نزار عەبدولستار، عێراق

لە ئەمەریکا هەڕەشەی سووتاندنی کتێبەکانی جەی کەی ڕۆڵینگ دەکرێت

دیدی منبی‌بی‌سی فارسی

لە فارسییەوە: بیار ڕەشید


جەی کەی ڕۆڵینگ، نووسەری زنجیرەکتێبەکانی هاری پۆتەر، وەڵامی بەکارهێنەرانی تۆڕی کۆمەڵایەتیی تویتەری دایەوە، کە هەڕەشەی ئەوەیان لێ کردبوو، کتێبەکانی دەسووتێنن.

دوای ئەوەی ڕۆڵینگ لە تویتێکدا ڕەخنەی لە سەرۆکی تازەدەستبەکاربوو ویلایەتە یەکگرتووەکانی ئەمەریکا، دۆناڵد تڕەمپ، گرت، بە هۆی بڕیاری قەدەغەکردنی چوونەناوەوەی نەتەوەکانی حەوت وڵاتی زۆرینەموسڵمان، ئەم کارەی لە لایەن بەکارهێنەرانی تویتەرەوە کاردانەوەی لێ کەوتەوە.

بەشێک لەو بەکارهێنەرانە، هەڕەشەی ئەوەیان کردووە کە کتێبەکانی دەسووتێنن و بەشێکی تریان نووسیویانە کە ئەو پێویستە لە دونیای سیاسەت خۆی بەدوور بگرێت. بەڵام جەی کەی ڕۆڵینگ، کە نزیکەی نۆ ملیۆن فۆڵۆوەرسی هەیە، وەڵامی ڕەخنەکانی دایەوە.

ئەو لە وەڵامی بەکارهێنەرێکدا، کە نووسیبووی “کتێب و فیلمەکانت دەسووتێنم”، نووسیی: “باشە، بەڵام ئەو گازەی کە لە سووتانی دی ڤی دییەوە دروست دەبێت، ژەهراوییە و من پارەی خۆم دەست کەوتووە؛ چەرخەکەم بە قەرز وەربگرە.”

لە وەڵامی بەکارهێنەرێکی تردا، کە نووسیویەتی ”دوای حەڤدە ساڵ لایەنگری، هەموو کتێبەکانی هاری پۆتەرم سووتاند”، ڕۆڵینگ نووسیویەتی: ”وا دیارە کە پێویستە ئەم قسەیە قبووڵ بکەین: دەتوانیت هەر کەسێک بۆ ئەو کتێبانە ڕێنمایی بکەیت، کە لەبارەی دەرکەوتن و لەناوچوونی دیکتاتۆرێکەوەن، بەڵام ناتوانیت وای لێ بکەیت کە بیرکردنەوەی بخاتە کار.”

بەکارهێنەرێکی تر نووسیویەتی “تۆ ژنێکی بۆگەنی، کە تەواوی پیشەکەت لەسەر بنەمای چیرۆکێکە کە تێیدا منداڵێکی باش خه‌ڵكی دەگۆڕێت بۆ بۆق. لە سیاسەت خۆت بەدوور بگرە”. لە وەڵامدا ڕوڵینگ نووسیویەتی “لە – یەک – وڵاتی – ئازددا – هەر کەسێک – دەتوانێت – سەبارەت – بە – سیاسەت – قسە – بکات… هەوڵ بدە هەرکام لە بڕگەی وشەکان بە بەرزی دووبارە بکەیتەوە و هاوکاری لە کەسێکی دەسەڵاتدار وەربگریت.”

ئەمە یەکەمین جار نییە کە خوێنەران هەڕەشەی ئەوە لە جەی کەی ڕۆڵینگ دەکەن کتێبەکانی دەسووتێنن.

لە کۆتایی دەیەی ١٩٩٠دا و ماوەیەکی کەم دوای چاپکردنی یەکەمین کتێب لە زنجیرەی هاری پۆتەر، کۆمەڵێک نیگەرانی لەبارەی توانای جادوویی و خوداییانە و دژیەکیی ئەوانە لەگەڵ ئامۆژگارییەکانی ئینجیلدا، دروست بوو. هەروەها گرووپێکی ئایینی، لە کانوونی یەکەمی ٢٠١١دا، بەشێک لە کتێبەکانی هاری پۆتەریان لە نیو مێکسیکۆ سووتاند و ڕایانگەیاندا ئەو کتێبانە “شەیتانی” بوون. جگە لەوەش، لە مەین، کە ویلایەتێکە و دەکەوێتە باکووری ڕۆژهەڵاتی ئەمەریکا، ئامۆژگاریکەرێکی ئایینی لە مەڕاسیمێکدا هاری پۆتەر و تەلاری نهێنییەکانی پارچەپارچە کرد.

جەی کەی ڕۆڵینگی نووسەر، لە ٣١ ی تەمووزی ١٩٦٥ لە بەڕیتانیا لەدایک بووە و ئێستاش لەو وڵاتە دەژی. خاوەنی چەندین کتێب و خەڵاتە لە بواری نووسیندا، لە ناو ئەوانەشدا خاوەنی زنجیرەکتێبی هاری پۆتەرە، کە لە حەوت کتێب پێک دێت و بەشێکیان کراون بە فیلم.

چلوهەشتەمین پێشانگەی قاهیرەی نێودەوڵەتی بۆ کتێب کرایەوە

دیدی منبی‌بی‌سی عەرەبی

لە عەرەبییەوە: زرار حامید

 پێشانگەی قاهیرەی نێودەوڵەتی بۆ کتـێب، بە گەورەترین پێشانگەی کتێب دادەنرێت لە ڕۆژهەڵاتی ناوەڕاست، لە ٢٦\١\٢٠١٧، لە شاری نەسڕی ڕۆژهەڵاتی قاهیرە، لەژێر دروشمی گەنجان و ڕۆشنبیری داهاتوو، کرایەوە، کە بڕیارە کار و چالاکییەکانی تا ١٠\٢\٢٠١٧ بەردەوام بێت. ئەم پێشانگەیە بۆ یەکەم جار لە ساڵی ١٩٦٩دا کرایەوە. لە یەکەم ڕۆژی پێشانگەکەدا ژمارەیەکی زۆر لە گەنجان و منداڵان سەردانی پێشانگەکەیان کرد و پێشانگەکە پێشوازییەکی باشی لێ کرا.

سارە حسێن، بەرپرسی یەکێک لە ناوەندەکانی بڵاوکردنەوە، بە ماڵپەڕی بە بی بی سیی ڕاگەیاند: ”هەرچەندە ئەمساڵ نرخی کتێبەکان بەرز بوون، لەگەڵ ئەوەشدا کتێبەکان، بەتایبەت ڕۆمانەکان و کتێبە ئەدەبییەکانی تر پێشوازییەکی باشیان لێ کرا. بەپێی گوتەی خاوەنی ناوەندەکانی بڵاوکردنەوە، لە دوو ڕۆژی ڕابردوودا گەنجان بەدوای بەدەستخستنی کتێبە زانستی و سەرکێشیئامێزەکاندا بوون.”

پێشانگەی قاهیرەی نێودەوڵەتی بۆ کتـێب ئەمساڵ، لە کەشێکی ئابووریی جیاوازدا بەڕێوە دەچێت، بەهۆی بەرزبوونەوەی نرخی شمەک و خزمەتگوزارییەکان لە میسڕ و دابەزینی بەرچاوی جونەیهی میسڕی بەرانبەر بە دۆلاری ئەمریکی، کە ئەمەش بووەتە هۆی بەرزبوونەوەی نرخی کتێبەکان. یەکێکی تر لە بەرپرسی ناوەندە بەشداربووەکان، بە بی بی سیی ڕاگەیاند: ”دەزگاکانی بڵاوکردنەوە ناچار بوون کە نرخی کتێبەکان بەرز بکەنەوە، بەتایبەت کتێبە وەرگێردراوەکان، بۆ قەرەبووکردنەوەی زیانەکانیان. کتێبە ئەدەبییە وەرگێردراوەکان بەرزبوونەوەیەکی بەرچاو لە نرخەکانیاندا بەدی دەکرێت لە پێشانگاکە، بۆ نموونە رۆمانی کیمیاگەری نووسەری ناودار پاولۆ کۆیلۆ، نرخەکەی لە هەندێک ناوەندەکانی بڵاوکردنەوە گەیشتە  ٢٧٥ جونەیهی میسڕی، کە دەکاتە ١٤ دۆلار. هەندێک لەو گەنجانەی کە سەردانی پێشانگەکە دەکەن، پەنا دەبەنە بەر ئەو شوێنانەی کە کتێبی کۆن دەفرۆشن، ئەمەش دەگەڕێتەوە بۆ گرانیی نرخی کتێب لە ناوەندەکانی بڵاوکردنەوە.”

ئەمساڵ نزیکەی ٨٥٠ ناوەندی بڵاوکردنەوە بەشدارییان لە پێشانگەی قاهیرەی نێودەوڵەتی بۆ کتـێب کردووە، کە ٥٥٠ ناوەند لە ناوخۆی میسڕن و ٢٥٠ ناوەندی تر لە وڵاتانی تری عەرەبییەوە بەشداریی پێشانگەکەیان کردووە، لەگەڵ ٥٠ ناوەندی تر لە وڵاتە ناعەرەبییەکان.

This slideshow requires JavaScript.

بەم زوانە ڕۆمانى كۆبانێی جان دۆست بڵاو دەبێتەوە

ديدى منئۆريێنت نيوس

له‌ كرمانجییه‌وه‌: سەليم جەمال

”بە مەزنترين ڕۆمانى خۆمى دەزانم.“

جان دۆست، شاعير و نووسەرى ناودارى ڕۆژئاوای کوردستان، بەم زوانە ڕۆمانە نوێيەكەى خۆى بە ناوى كۆبانێ بڵاو دەكاتەوە. ئەو ڕۆمانە بەگشتى باس لە كارەسات و نەهامەتيیەكانى شارى كۆبانێ لە ڕۆژئاوای كوردستان دەکات، كاتێک كە بە شێوەيەكى دڕندانە هێرش كرايە سەر هاووڵاتیيان و شارەكە بە تەواوەتى خاپوور كرا، لە لايەن دوڵەتی ئیسلامییەوە.

لە دەستپێكى ڕۆمانى كۆبانێدا، باس لە بنەماڵەيەكى بچووک دەكرێت، كە باپيرى يەكەميان ونە و يەک لەدوای يەكەكانى لە كاتى شۆڕشى شێخ سەعيد ئاوارەى شارى كۆبانێ دەبن. لە هەمان كاتدا بە كورتى باس لە مێژووى ئەو شارەش دەكرێت و دواتر خاڵە سەرەكيیەكانى ئەو ڕۆمانە دەخرێنە بەر باس.

ئەو ڕۆماننووسە ناودارە، پێشڤەچوونى شۆڕشى شارى كۆبانێ بەو بنەماڵە بچووكە و لايەنە جياجياكانى سياسى گرێ دەدات و شرۆڤەى دەكات، دواتر باس لە مژارى داگيركردنى شارى كۆبانێ دەكات، لە لايەن دەوڵەتی ئیسلامییەوە.

جان دۆست شەڕى دژى دەوڵەتی ئیسلامی، داگيركردن، ڕزگاركردن و كۆمكوژيیەكانى شارى كۆبانێ لە ڕۆمانەكەيدا، ڕاڤە دەكات. بە تايبەتى ڕۆلى ژن لە دژى ئەو ڕێكخراوە تيرۆريستييە بەرز دەنرخێنێت.

لەبارەى ڕۆمانى كۆبانێ، جان دۆست بە ماڵپەڕى ئۆريێنت نيوسى ڕاگەياند كە ”ڕۆمانى كۆبانێم لە نۆ مانگ و نۆ ڕۆژدا نووسيوە و ئەوم بە مانگى دووگيان شوبهاندووە، لە هەمان كاتدا بە مەزنترين ڕۆمانى خۆمى دەزانم”.

دوای دەستبەکاربوونی دۆناڵد ترەمپ فرۆشی ڕۆمانی 1984 بەرز بووەتەوە

دیدی من

ساڤان ئاکۆ

جاری وا هەیە ڕۆمانێکی خەیاڵی لە واقعدا بەدی دێ، جاری واشە کتێبێکی کۆن بە هۆی هەبوونی خاڵی هاوبەش لەگەڵ ڕۆژگاری ئەمڕۆدا، ڕەواج پەیدا دەکاتەوە.
 
لە کاتی دەستبەکاربوونی دۆناڵد ترەمپ وەک سەرۆکی ویلایەتە یەکگرتووەکانی ئەمەریکا و دوای ئه‌وه‌ی ڕاوێژكاری دۆناڵد ترەمپ، كێلیانی كۆنوه‌ی، له‌ چاوپێكه‌وتنێكدا ده‌ستەواژه‌ی ”جێگره‌وه‌ی ڕاستییه‌كان”ی به‌كار هێنا، فرۆشی کتێبە کلاسسیکییەکەی جۆرج ئۆرویڵ بەرز بووەوە. ڕۆمانەکە لەو کاتەوە ٤٧٠٠٠ی لێ فرۆشراوە و ئەم هەفتەیەش وەشانخانەی پەنگوین بە پەلە ٧٥٠٠٠ نوسخەی لێ چاپ کردووەتەوە.
 
چاودێران ئه‌م ده‌سته‌واژه‌یه‌ وەک‌ وه‌زاره‌تی ڕاستییه‌كانی ڕژێمه‌كه‌ی ناو ڕۆمانی 1984 ده‌بینن، كه‌ ئیشی ته‌نیا چه‌واشه‌كردنه‌.
 
وەک یارمەتییەک بۆ خود، خوێنەران بۆ ئەوەی چۆن مامەڵە لەگەڵ دەوڵەتێک بکەن کە چینێکی شاراوە بەڕێوەی دەبات و هەوڵ دەدات ڕێگری لە بیرکردنەوەی ئازاد بگرێت، دەیکڕن.
 
لە ڕۆمانی 1984دا، بیرکردنەوەی کەسی دادەمرکێندرێتەوە بە بەکارهێنانی دەستەواژەی”دەبڵ بیرکردنەوە“، کە نووسەر و هەندێک پەیامبەر دەیاننوسی “هێزی پاراستنی بیر و باوەڕە دژیەکەکان لە مێشکی تاکدا لە هەمان کاتدا و قبووڵکردنی هەردووکیان”. لە ڕۆمانەکەدا سیاسییەکانیش زمانێکی نوێ بەکار دەهێنن بە ناوی زمانی نوێ، زمانێک بە دەربڕینێکی نوێی فرەمانا بە شێوەیەکی سەرەکی لە ڕاگەیاندنەکانی سیاسەتدا بەکار دەهێنرا، کە بەگشتی وای لە کۆمەڵگە دەکرد هەموو ڕۆژێک بەرگەی دوو خولەک لە گوتاری ڕق بگرن.
 
پڕفرۆشترین كتێبی ماڵپه‌ڕی ئه‌مازۆن
له‌ ئێستادا، ڕۆمانی 1984، دوای زیاتر له‌ نیو سه‌ده‌ له‌ چاپبوونی، پله‌ی یه‌كه‌می له‌ لیستی پڕفرۆشترین كتێبه‌كانی ماڵپه‌ڕی ئه‌مازۆن گرتووه‌. هه‌روه‌ها ڕۆمانه‌ كلاسیكییه‌كانی وه‌ك جیهانیی نوێی ئازای ئه‌لدۆس هه‌كسلی و فه‌هره‌نهایت 451ی ڕه‌ی برادبێری، پله‌ی یازده‌یه‌مین و نۆزده‌یه‌مینی لیسته‌كایان گرتووه‌.
 
 
له‌ ڕێگه‌ی ئه‌م دوو لینكه‌ی خواره‌وه‌، ده‌توانن بابه‌تێكی ڕه‌خنه‌یی ده‌رباره‌ی ڕۆمانی 1984ی جۆرج ئۆروێل بخوێننه‌وه‌: