Tag Archives: Fine Arts

کۆمه‌ڵه‌ی هونه‌رەجوانه‌کانی یۆتۆبۆری داهاتی چالاکییه‌ هونه‌رییه‌کانی به‌خشییه‌ نه‌خۆشخانه‌ی سۆزی ده‌روونی له سلێمانی

 

دیدی من ڕاگەیاندنی گشتیی کۆمەڵەی هونەرەجوانەکانی یۆتۆبۆری

 

 

ڕۆژی ٢٩\١٢\٢٠١٦، نوێنه‌رانی کۆمه‌ڵه‌ی هونه‌ره‌جوانه‌کانی یۆتۆبۆری نه‌خۆشخانه‌ی سۆزی ده‌رونییان له‌ شاری سلێمانی به‌سه‌ر کرده‌وه‌، که‌ تاکه‌ نه‌خۆشخانه‌ی ده‌روونییه‌ له‌ عێراقدا.

به ‌ئاماده‌بوونی به‌ڕێوه‌به‌ری گشتیی نه‌خۆشخانه‌که‌، بڕی په‌نجاوحه‌وت هه‌زار و دووسه‌د و په‌نجا کرۆنیان وه‌ک دیاری به‌خشییه‌ ئه‌و نه‌خۆشخانه‌یه‌، که‌ به ‌هۆی قه‌یرانی داراییه‌وه‌ نه‌خۆشخانه‌که‌ توشی گرفتی چاره‌سه‌رکردن ببووەوە.

This slideshow requires JavaScript.

شایانی گوتنه‌ ئه‌و بڕه‌ پاره‌یه‌ له‌ کۆمه‌کی مانگانه‌ی کۆمه‌ڵه‌ی هونه‌رەجوانه‌کانی یۆتۆبۆری  ‌و داهاتی چالاکییه‌ هونه‌رییه‌کانی له‌ وڵاتی سوید کۆ کراوه‌ته‌.

وه‌ک نه‌ریتی هه‌میشه‌یی کۆمه‌ڵه‌ی هونه‌ره‌جوانه‌کانی یۆتۆبۆری، که ‌له‌ ڕابردوو کۆمه‌کی نه‌خۆشخانه‌ی هیوای کردووه،‌ له ‌ئایینده‌شدا ئه‌و یارمه‌تییه ‌به‌رده‌وام ده‌بیت و بڕیاره‌ هه‌ر یه‌که‌ له کۆمه‌ڵه‌ی که‌مئه‌ندامان و خانه‌ی بێسه‌رپه‌رشتانیش به‌ هه‌مان شیوه‌ هاوکاری بکرێن.

ساڵێکی بێڕەنگ، ئەزمونێکی رەنگاڵە

دیدی منئاراس عەبدولڵا

بڕیارە ١٣/٧/٢٠١٦ فێستیڤاڵی ساڵانەی کۆلێژی هونەرەجوانەکانی زانکۆی سلێمانی، بەشی شێوەکاری لەناو گەلەریی ئەمنەسوورەکە لە سلێمانی کاتژمێر ٥:٣٠ خولەکی ئێوارە بەڕێوەبچێت، فێستیڤاڵی ساڵانەی بەشی شێوەکاریی کۆلێژی هونەرەجوانەکانی زانکۆی سلێمانی پێکدێت لە کاری قۆتابیانی دوا قۆناغی ئەو بەشە کە وەک کارنامەی دەرچوون پێشکەشی کۆلێژی ناوبراویان کردووە.

دەربارەی فێستیڤاڵی ئەمساڵ، لە پەیامێکیدا کە کۆپییەکی بۆ دیدی من نێردراوە، د.ڕێبوار سەعید، ڕاگری کۆلێژی هونەرەجوانەکانی زانکۆی سلێمانی ڕایگەیاند: “ئەم پرۆژەیە کارنامەی دواساڵی خوێندکارانی کۆلیژی هونەرە جوانەکانی زانکۆی سلێمانییە بەشی شێوەکاری، کە پێك هاتووە لە لقی سیرامیک، پەیکەر و وێنە کێشان، کە هەریەک لە خوێندکاران لەماوەی دواساڵی خوێندنیاندا ئامادەیان کردووە، چ وەک پرۆژەی پراکتیک چ وەک پرۆژەی توێژینەوە.”

ڕوونیشیکردەوە: “گرنگیی ئەم پرۆژانە لەوەدایە کە خوێندکار ئامادەدەکات بۆ توێژینەوەی ئەکادیمی، کە پشت بە داتای ئەکادیمی ببەستێت و خوێندکار ئامادە دەکات بۆ دادوەری کردن لەسەر پرۆژەکانی و دروستکردنی توانای دەربرین.”

 لە کۆتایی پەیەمەکەیدا ڕاگری کۆلێژی هونەرەجوانەکان ئاماژەی بۆ ئەوە کردووە، لەگەڵ ئەوەی ئەمساڵ قەیرانی دارایی هەبووە، بەڵام بە هیمەتی مامۆستایان و خوێندکاران توانیویانە کۆتایی بە خوێندن بهێنن. هاوکات ئاماژەی بۆ جیاوازیی بوارەکانی کارکردنی فێرخوازان کردووە لەنێو فێستیڤاڵی ئەمساڵی بەشی شێوەکاری و بە درێژکراوەی هەنگاوەکانی ساڵانی ڕابردوو ناوی دەبات.

13626625_10153551486476415_3197687193251715691_n

تەواوی پەیامەکەی ڕاگری کۆلێژی هونەرە جوانەکانی زانکۆی سلێمانی

فێستڤاڵی کۆلێژی هونەرە جوانەکانی زانکۆی سلێمانی
ساڵێکی بێڕەنگ، ئەزمونێکی ڕەنگاڵە

دکتۆر رێبوار سەعید
ڕاگری کۆلیژی هونەرەجوانەکانی زانکۆی سلێمانی

ئەم پرۆژەیە کارنامەی دواساڵی خوێندکارانی کۆلێژی هونەرە جوانەکانی زانکۆی سلێمانییە، بەشی شێوەکاری، کە پێك هاتووە لە لقی سیرامیک، پەیکەر و وێنەکیشان،کە هەریەک لە خویندکاران لەماوەی دواساڵی خوێندنیاندا ئامادەیان کردووە، چ وەک پرۆژەی پراکتیک چ وەک پرۆژەی توێژینەوە. گرنگیی ئەم پرۆژانە لەوەدایە کە خوێندکار ئامادەدەکات بۆ توێژینەوەی ئەکادیمی، کە پشت بە داتای ئەکادیمی ببەستێت و خوێندکار ئامادە دەکات بۆ دادوەری کردن لەسەر پرۆژەکانی و دروستکردنی توانای دەربرین .

ئەم ساڵ لەگەڵ قەیرانە یەک لەداوی یەکەکان، بە هیمەتی مامۆستایان، کارمەندان و خوێندکاران، توانرا پرۆسەی خوێندن بگاتە دوا قۆناغ و ئەم بەرهەمانە زادە و دەرهاویشتەی ئەم ساڵە پر لە تەنگەژەیەیە کە لە رێگەی هونەرەوە توانراوە گوزارشتی لێبکرێت و توانا جیاوازەکانی خوێندکارانی تێدا نماییش بکرێت.

ئەوەی لەم پێشانگەیەدا جیگای تیرامانە؛ پەنجەرەکانی تێروانین تەنها بۆ یەک ئاراستە نەکراوەتەوە، بەڵکو گشتگیر کاری لەسەرکراوە، لەسەر خۆشەویستی نیشتمان، جەنگ، مێژوو، ژینگە و جێندەر. هەروەها لەبواری تەکنیکیشەوە خوێندکاران دەستیان بردووە بۆ بواری ئەنیمەیشن، پێرفۆرمانس، فۆتۆفرافی، ڤیدیۆ و ئنستلەیشن. ئەم هەولانە درێژکراوەی هەوڵی ساڵانی پێشترە، کە دەمانەوێت کۆلێژی هونەر کرانەوەیەکی بەردەوامی هەبێت بۆ جیهانی تەکنەلۆجی و میدیای تازە، کە ئاراستەکانی ئەمرۆی هونەر لە دنیای دەرەوە بەرەو ئەو ئاراستەیە دەروات، هاوتەریب لەگەڵ ئەو وانە کلاسیکیانەی کە دەبنە هێز و توانای خوێندکار بۆ پرۆژە هونەرییەکانیان.
هەر سەردەمە و دەنگ و رەنگی خۆی هەیە، ئەم پێشانگەیەش دەنگ و رەنگی ئەم خوێندکارانەن. لە بەشێکی بەرهەمەکانیاندا ئومێدی داهاتوویەکی رۆشنیان لێدەکرێت، کە ببنە سیمایەکی گەشی هونەری شێوەکاری بۆ خۆیان و بۆ داهاتووی هونەری کوردی، پر بەدڵ پیرۆزبایییان لێدەکەم کە تونیان لەم ساڵە بێرەنگەدا ئەم ئەزمونە رەنگاڵەیەمان پێشکەش بکەن.

ئایا کۆلێژی هونەرەجوانەکانی هەولێر دادەخرێت؟

دیدی منئاراس عەبدولڵا

دوای ئەوەی بە نووسراوی ڕەسمیی ڕاگری کۆلێژی هونەرەجوانەکانی زانکۆی سەڵاحەدین داوا لە سەرۆکایەتی زانکۆی سەلڵاحەدین کرا، بۆ نەهێشتنی سەرجەم لقەکانی ناو بەشە جیاوازەکانی کۆلێژی ناوبراو بۆ ساڵی خوێندنی ٢٠١٦ – ٢٠١٧، لە ئێستادا ئەو داواکرییە بووە بە بڕیار و بەشێوەیەکی ڕەسمی لەلایەن سەرۆکایەتی زانکۆ داواکراوە بۆ ساڵی خوێندنی نوێ لە کۆلێژەکەدا پەیڕەو بکرێت، هاوکات و بەپێی نووسراوێکی ڕەسمیی بەڕێوەبەرایەتی ناوەندی وەرگرتنی قوتابیانی زانکۆی سەلڵاحەدین، داوا لە سەرۆکایەتی زانکۆی ناوبراو کراوە کە کۆلێژی هونەرەجوانەکان بۆ ساڵی خوێندنی ٢٠١٦ – ٢٠١٧ هیچ فێرخوازێک بۆ هیچ کام لە بەشەکانی کۆلێژەکە وەرناگرێت، سەرۆک بەشێکی کۆلێژەکەش ڕایدەگێنێت، ئەم بڕیارە تەنیا بۆ چاکسازیی ئێدارییە و هیچی تر.

دوای بڵاوبوونەوەی هەواڵی ئەم دوو بڕیارەی کۆلێژی هونەرەجوانەکانی زانکۆی سەلڵاحەدین لە تۆڕە کۆمەڵایەتییەکان، دەنگدانەوەی بەدوای خۆیدا هێنا و بەشێکی زۆر لە هونەرمەندان ئاماژەیان بەوە دەدا کە ئەم بڕیارانە سەرەتایەکە بۆ داخستنی کۆلێژی ناوبراو، بەڵام لە بەرامبەردا مامۆستا فەرهاد کەریم، سەرۆکی بەشی شانۆی کۆلێژی هونەرەجوانەکانی زانکۆی سەلڵاحەدین بۆ دیدی من گوتی: “وەرنەگرتنی قوتابیان لە کۆلێژی هونەر، تەنیا بۆ ساڵێکە و بۆ ڕێکخستنەوەی کۆلێژە، بەهیچ جۆرێک هیچ بڕیارێک لە ئارادا نییە بۆ داخستنی کۆلێژەکە.”

13434942_10205147923972834_3289553378965132454_n

ڕوونیشیکردەوە: “ئەمساڵ سەرۆکی زانکۆ بە سەردانێک هاتە کۆلێژی هونەر و گوتی ئەمە کۆلێژ نییە و پێویستە ڕێکبخرێتەوە، بەتایبەتی لەسەر مەسەلەی نەبوونی کادری پێویست بۆ بەشەکان، بەتایبەتی بەشی سینەما و شانۆ.”

سەبارەت بە داخستنی لقەکانی کۆلێژی هونەر، سەرۆکی بەشی شانۆ گوتی: “داخستنی لقەکان کارێکی وا ئاسان نییە، ڕاستە فەرمانی بۆ دەرچووە و لەلایەن ڕاگری کۆلێژەکەوە داواکراوە لقەکان دابخرێن، بەڵام ئەمە کارێکی قورسە بۆ سەرۆک بەشەکان و پێویستی بە کۆنگرە و کۆبوونەوە هەیە.”