دیدی من – ئاراس عەبدولڵا
گۆران محەمەد، یەکێکە لە هونەرمەندە شێوەکارەکانی کوردستان، کە پەیمانگەی هونەرەجوانەکانی ڕانیە، بەشی شێوەکاری تەواو کردووە و تا ئێستا بەشداریی لە چەندین پێشانگەی هاوبەشدا کردووە و دوو پێشانگەی تایبەت بە کارەکانی خۆیشی کردووەتەوە.
گۆران محەمەد سەبارەت بە تابلۆکانی بۆ دیدی من دەدوێت و دەڵێت: “ڕەنگە تابلۆکان لە چەندین ڕووەوە قووڵ و ڕۆشنتر لە خۆمان، کە دەمانەوێت شتێک لە بارەیانەوە بڵێین، بدوێن. بەگشتی من وا هونەر دەبینم کە پرۆسەیەکی مەعریفیی ستاتیکیی تاکەکەسییە، بەتایبەتیش دەربڕینخوازی (تەعبیری) وەک ڕێبازێک، جەختکردنەوەیە لەسەر خود، هەڵچوونە ڕۆحی و دەروونیەکان. زنجیرەی ئەم کارانە نموونەیەکن لەو ڕشتەی کارکردنە.”
دیدی من بەشێک لە تابلۆکانی گۆران محەمەد لێرە دادەنێت.
Copyright © DidiMn.com. All rights reserved.
