لە فارسييەوە: سەليم جەمال
ئێريك كڵاپتۆن، گيتارژەنی ڕۆک و بلوزى بەناوبانگى ئەمەريكى، بەشدارى لە ئەلبومە نوێيەكەى ڕۆلينگ ستۆنز دەكات.
كەيت ڕيچاردز، گيتارژەنى تايبەتى گۆرانیبێژ ڕۆلينگ ستۆنز لە چاوپێكەوتنێكيدا لەگەڵ بى بى سى ڕايگەياند: “ئێريک كڵاپتۆن بۆ تۆماركردنى چەند تراک و گۆرانییەک بەشدارى لەگەڵ ئێمە كردووە.” ئەو جەختى لەوەش كردەوە كە ژەنين و كاركردن لەگەڵ ئێريک كڵاپتۆن وەک سەردەمانى كۆن پڕ لە جۆش و خرۆش بوو.
تيمى ڕۆلينگ ستۆنز و تيمى يارد بيردز، كە ئێريک كڵاپتۆنيش ئەندامی یەکێک لەم تیمانە بوو، لە ساڵانى ١٩٦٠ لە ناو يانەى شەوانى باشوورى لەندەن، كارە هونەرەكانيان پێشكەش بە هەوادارانيان دەكرد.
هەروەها كەيت ڕيچاردز دەڵێت: “ڕۆلينگ ستۆنز سەرقاڵى بەرنامەڕێژييە بۆ سازكردنى كۆنسێرتەكانى لە ئەوروپا، لەوانەيە لە هەمان كاتدا لە شارەكانى بەريتانياش كۆنسێرتگەلێكى هەبێت.”
ئەلبومى نوێى ڕۆلينگ ستۆنز پێكهاتەیەكە لە گۆرانیی نوێ و كۆنى ئەو تیمە، هەروەها شێواز و ژانرى گۆرانیيەكان ڕۆک و بلوزن.
بە گوتەى كەيت ڕيچاردز، ئەلبومە نوێيەكەى ڕۆلينگ ستۆنز لە پاييزى ئەمساڵدا بڵاو دەبێتەوە، هەروەها ئەو ئەلبومە ٣١ـەمین ئەلبومى ڕۆلينگ ستۆنزە.
Copyright © DidiMn.com. All rights reserved.
