پەڕاوی گونەی: فیلمی گەشتێک ڕووە و خۆر، پەروەردەیەکی مۆراڵیی بێتاوانێک

لە لایەن دیدی من 8 ساڵ پێش ئێستا

ئەم پەڕاوە، لە چوارچێوەی ئیڤێنتی دەرهێنەرێک لە زیندانەوەدایە، کە بە هاوبەشی لە لایەن ماڵپەری کلتووریی دیدی من، ڕێکخراوی کلتووریی کەشکۆڵ و سینەما سالم ڕێک خراوە

دیدی من – نیویۆرک تایم، ئێڵڤز میتچێڵ

لە ئینگلیزییەوە: پشتیوان کەمال

گەشتێک ڕووە و خۆر، فیلمێکە پڕ لە ژیان. فیلمەکە لە ئیستانبووڵ وێنەی گیراوە و چیرۆکی مەمەد دەگێڕێتەوە (نەورۆز باز)، پیاوێک بە یەکێک لە سەرنجڕاکێشترین کار لە مێژووی فیلمی مۆدێرندا دەبینین. کاری مەمەد بریتییە لە دۆزینەوەی شوێنی لێچوون لە بۆریی ئاوەکانی ژێرزەویی شارەکەیدا. دەمێکی بۆریی بۆشی باریک لەسەر قیرتاوەکە دادەنێت و گوێ دەنێت بە لاکەی تریەوە، تاوەکو بتوانێت هەست بە لێچوون بکات لە بۆرییەکاندا. ئەو بۆرییەکە بۆ سەرنجڕاکێشانی خۆشەویستەکەشی، ئارزو (میزگین کاپازان) بەکار دەهێنێت، بۆ نموونە بە بەکارهێنانی بۆرییەکە، بە خۆشەویستەکەی دەڵێت شەمەندەفەرەکە چەندی ماوە بۆ گەیشتنی بەو شوێنەی تیایدا وەستاون. ئەو پارچە بۆرییە لە فیلمەکەدا هێمای میتافۆریی هەیە؛ ئەو شتانەشی هەستەکانی ناتوانن بیاندۆزنەوە، ئەو دەتوانێت لە ڕێگەی بۆرییەکەیەوە هەستیان پێ بکات: دەتوانێت گوێبیستی ئەو شتانەش بێت کە لە ژێرزەوی ڕوو دەدەن.

[aesop_video align=”center” src=”youtube” id=”Xk5yOopcZ0c” caption=”ترەیلەری فیلمی گەشتێک ڕووە و خۆر” disable_for_mobile=”on” loop=”on” autoplay=”on” controls=”on” viewstart=”on” viewend=”on” revealfx=”off”]

 

نووسەر و دەرهێنەر، یەشیم ئوستائۆغڵوو، بە زوویی ئەم ئامێرەمان لێ دوور دەخاتەوە. وێنەیەکە پشووت پێ دەبەخشێت، مەمەد و بۆرییەکەی: فیلمسازەکە زۆر شاعیریانە ئەم ئامێرە بەکار دەهێنێت، چونکە کاتێک دیار نامێنێت، بینەری فیلمەکە هەست دەکات بیری دەکات.

مەمەد لەگەڵ بەرزان (نەزمی قیریخ) دەبنە هاوڕێ، کە بە عەرەبانەکەی لەسەر جادە موزیک دەفرۆشێت. بەرزان کوردە، باوکی لێی دراوە و فڕێندراوە. مەمەدیش بە هەمان شێوە لەبەر ڕەنگی پێستی ئازار دراوە، بۆیە هەست بەو ئازارە دەکات. بەرزان بەشێکە لە شۆڕشی کوردان لە تورکیا، هاوڕێیەتییەکەی لەگەڵ مەمەد پەروەردەیەکی باشی دەداتێ. سەرەتا لە ئەشکەنجەوە فێر دەبێت.

پاش گەڕانی ئەو پاسەی مەمەد تیایدا سەرنشینە، تاوانبار دەکرێت. پیاوێک لە پاسەکە دابەزیوە و دەمانچەیەکی لەدوا جێ دەمێنێت، پۆلیسەکانیش پێیان وایە کە ئەوە چەکی مەمەدە. پاش ئەوەی ئەوان لە لێکۆڵینەوە دەبنەوە لەگەڵیدا، ڕوخساری مەمەد هەمووی برین دەبێت، ئەو وێنەیەی کاتێک ئەو لە تونێلێکەوە دەردەکەوێت، بە دوای خۆیدا بۆرییەکە ڕادەکێشێت، شتێکە لەبیر ناکرێت.

سێبەری گراهام گرین باڵی بەسەر فیلمەکەدا کێشاوە، کە باس لە پەروەردەی مۆڕاڵیی بێتاوانێک دەکات.

پاش ئەوەی مەمەد کارەکەی لەدەست دەدات، هاوژوورەکانی دەیکەنە سەر شەقامەکان.

تەنها ئارزو لەگەڵیدا دەمێنێتەوە. دەخوازێت زیاتر لەبارەی کێشەکانی بەرزانەوە بزانێت.

بەرزان دەڵێت: “بەخێوکەرەکەم دەیگوت ئەگەر خەونێکی ترسناکت بینی، خۆت هەڵبگێڕەوە.”

مەمەدی پەشۆکاو وەڵامی دەداتەوە: “چۆن دەتوانیت خۆت هەڵبگێڕیتەوە کاتێک لە خەودایت؟”

گەشتێک ڕووە و خۆر فیلمێکی درامییە سەبارەت بە خەونێکی ناخۆش، کاتێک بە ئاگایی دەیبینین.

زانیاری دەرباری فیلمەکە:

سیناریست و دەرهێنەر: یەشیم ئوستائۆغڵوو

زمان: تورکی

سینەماتۆگرافیست: جاکێک پێتریجکی

مۆنتێر: نیکۆڵاس گاستەر

موزیک: ڤلاتکۆ ستیڤانۆڤسکی

بەڕێوەبەری هونەری: ناتالی یەریس

کات: سەد و چوار خولکە

بەرهەمهێنەر: بەهرۆ هاشیمیان

A Journey to the Sun, PshtewanKamal, Yeshim Ustaoglu,