دیدی من – ئاراس عەبدولڵا
بڕیارە ٢٣ / ٦ / ٢٠١٦ کاتژمێر ٩:٣٠ خولەکی شەو لە هۆڵی سەعد عەبدوڵلا لە شاری هەولێر، ئۆرکسترای کوردستان – هەولێر، کۆنسێرتێکی موزیک و گۆرانی ڕێکبخات، لەم کۆنسێرتەدا نماییشی موزیکە کوردی و جیهانییەکان پێشکەش بە ئامادەبووان دەکرێت.
دەربارەی ئەم چالاکییە، هەڤاڵ حەمەد سەرۆکی ئۆرکێسترای کوردستان – هەولێر، بە دیدی منی راگەیاند: “ئەم کۆنسێرتە ٣٠ ژەنیار کە ماوەی دوو مانگە سەرقاڵی پرۆڤەکردنن بەشداریی تێدادەکەن و هونەرمەند چەتۆ نەورۆز ڕابەرایەتی گروپی ئۆرکێسترا دەکات، ئێمە ٩ بەرهەممان ئامادە کردووە کە پێکدێن لە موزیکی جیانی و کوردی، هەروەها هونەرمەند فەرهەنگ غەفور لەیەکێک لە بەرهەمەکاندا بە دەنگ بەشداریی دەکات.”
گوتیشی: “ئۆرکێسترای کوردستان ئەم بەرهەمانە پێشکەش دەکات بە پێشمەرگە قارەمانەکانی کوردستان.”
هەڤاڵ حەمەد ئاماژەی بۆ ئەوەش کرد نیازیانە ئەم کۆنسیرتە ببنە شارەکانی دیکەی کوردستان ئەگەر سپۆنسەرێکیان هەبێت و هاوکاریییان بکات.
Copyright © DidiMn.com. All rights reserved.
