نەوا ئەمین
بە هەنگوین پێشکەشە
دەرەوە هەتاوێکی بەتینە
بەڵام پەنجەرەی پاسەکە
هەڵم گرتوونی؛
لە چوونمدا بەرەو درەخت
لێی ڕامابووم
گوتی: بمبینە.
– بینین چاوخستنە ناو پیاڵەی ئاوە، بۆ دەرهێنانی ئەو شتەی تێیکەوتووە.
پێش گەیشتن
هەتاو
بەسەر چینەکانی پاڵتۆ و بلووزدا
دەگاتە پێستم
پەنجەش لەسەر شووشە
شێوە دەنەخشێنێت؛
ڕەنگە دڵێک و تیرێک.
گوتی: توانای پیشاندانم لەدەستداوە و تەنیا تۆ ڕەنگە بمبینیت.
– وە من تۆپەڵێ پەڕەسێلکەم بەسەر لق و پۆپی درەختەوە بینی.
ئامانجمان
ژیرکردنەوەی
ئەنگێزەکانی باخچەکەتانبوو
تەنهایی بەڵام
لەتەک هەستی گوناهدا
چەترەکانی هەڵداینەوە؛
چون قەرارنەبوو
هەوری خۆی بهێنێتە
مەیدانی هاوڕێیەتیمانەوە و
بەلێزمە
کوناودەرمانکات
Copyright © DidiMn.com. All rights reserved.
