15/12/2019
DidiMn Logo
Top

نوێترين ئەلبوومى گۆرانيى هۆمايون شەجەريان بڵاو کرايەوە

لە لایەن دیدی من 3 ساڵ پێش ئێستا

ديدى منموزيکێ ما
لە فارسييەوە: سەليم جەمال

ئەلبوومى گۆرانیی ڕەگى خەوى هۆمايون شەجەريان بڵاو کرايەوە، کە تێيدا سوهراب پوورنازرى کارى موزيکى بۆ ئەنجام داوە و لە لايەن کۆمپانياى هونەریی شار بڵاو کراوەتەوە.

ئەو ئەلبوومە جگە لەو موزيکەى کە بۆ فيلمى سينەمايى ڕەگى خەو بەرهەم هاتووە، لە چوار تراکى ديکەيش پێک هاتووە، بە ناوەکانى ئەهاى ئاگەدار، ڕەگى خەو، هەور دەبارێت و خەريکە گريانم دێت. لەو ئەلبوومەدا سوود لە شيعرەکانى شاعيرانى کلاسيکی، وەک مەولانا جەلالەدين، حسێن مەنزەوى و ئەمير خەسرەو دەهلەوى، وەرگيراون.

دەيڤد گارنر، موزيسيانى ئەمەريکى، بەرديا کيارەس موزيسيان و ڕابەرى ئۆرکسترا و ئارين کەشيشى موزيسيان و ژەنيارى گيتاری باس، لەو ئەلبوومەدا ڕۆڵى ڕێکخستنى گشت تراکەکانيان بينيوە.

بەم زوانە فيلمى سينەمايى ڕەگى خەو دەست بە نماييشکردنی گشتیی دەکرێت، لە کاتێکدا کە ئەو فيلمە لە فێستيڤاڵى فيلمى فەجر نماييش کرا و خەڵاتى باشترين ئەکتەرى ژن بەخشرايە لەيلا حاتەمى، ئەکتەرى بەتواناى وڵاتى ئێران.

شایەنی باسە هۆمايون شەجەريان و سوهراب پوورنازرى ماوەيەک بەر لە ئێستا ئەلبوومێکى ترى ڤيديۆييان بە ناوى نهێنیی خوداوەند بڵاو کردووەتەوە.

كرته‌ لێره‌ بكه‌ بۆ داگرتنی ته‌واوی ئه‌لبوومی ڕه‌گی خه‌و

 

Homayoun Shajarian, SaleemJamal, Sohrab Pournazeri,