دیدی من – ئاراس عەبدولڵا
هونەرمەندی سەماکار کاروان عومەر، کۆرسێکی یەک هەفتەیی تایبەت بە سەمای هاوچەرخ بۆ دوو ئاستی تەمەن، کە بریتین لە ئاستی منداڵان و گەورە، دەکاتەوە. ئەم کۆرسە لە بەرواری ١٧/٧/٢٠١٦ لە ناو هۆڵی ڕێبەر ٢ لەشاری سلێمانی دەست پێ دەکات و بڕیارە بۆ ماوەی یەک هەفتە بەردەوام بێت.
دەربارەی ئامانجی ئەم وۆرکشۆپە، هونەرمەندی سەماکار کاروان عومەر، بۆ دیدی من گوتی: “ئامانجمان لەم وۆرکشۆپەدا بریتییە لە بڵاوکردنەوەی کلتوور و زانستی سەما لەناو کۆمەڵگەدا، هەروەها هۆشیارکردنەوەی تاکی کورد بە میتۆدەکانی سەمای هاوچەرخ. جگە لەمانەش ئازاد و ئازاکردن و خۆشنوودی لە ڕێگەی سەماوە.”
ڕوونیشی کردەوە: “سەما، وەک چارەسەرێک یارمەتیدەری خودناسین دەبێت، هەر وەک چۆن کاریگەریی بە سەر دەروونی مرۆڤەکانەوە جێ دەهێڵێت.”
Copyright © DidiMn.com. All rights reserved.
