دیدی من – ئامادەکردن و وەرگێڕانی لە فارسییەوە: سەلیم جەمال
میری بێ زیان، ناوى نوێترین و هەشتەمين ئەلبومى گۆرانیبێژی کورد، موحسین چاوشی‌ـیە ، كە لە شاری مەشهەدـی وڵاتی ئێران ژيان بەسەر دەبات.
ئەم ئەلبومه زیاتر لە ساڵێکە كارى تێدا دەكرێت، بەرباسی گەرمی ڕۆژانەی میدیاکانی ئێران و گوێگرەکانییەتی. ئەم ئەلبومه پێكهاتووە لە ١٢ تراک گۆرانى، لەوانە لكاو، جەنگيز، كۆتا پاس، شاى مەرام، ميرى بێ زيان و.
دەقی شیعریی گۆرانییەکان كلاسيكى و مۆدێرنن، لەوانە دەقی شیعریی مەولانای ڕۆمی، سەعدی شیرازی ،حسێن سەفا، عەلی ئەکبەر و…
ناوى ئەلبومەکە لە غەزەلێکی مەولانای ڕۆمی‌ـیەوە وەرگیراوە.
چاوشی دەڵێت: “ميرى بێ زيان پێشکەشە بە خودای يەكتا، كە هەندێک جار ئێمە لە يادى دەكەين.”
بە شێوەيەكى گشتى، ئەلبومەکە فرەستایلە؛ گۆرانیی کۆمەڵایەتی و ڕەخنەگرانە لە خۆی دەگرێت، هەروەها ئەوینییش.
كارى ئاواز و ميوزيكى تەواوی گۆرانییەکان، هی چاوشی خۆیەتی و كارى ڕێكخستنیشیان لە چەندين ئارینجمێنتی بەتوانا بۆ کراوە.
بڕیارە ئەلبومەکە لە ڕۆژی ٦\٦\٢٠١٦ـدا بڵاو ببێتەوە.
Copyright © DidiMn.com. All rights reserved.
