دیدی من – سی ئێن ئێن عەرەبی
لە عەرەبییەوە: زرار حه‌مید
ڕۆماننووسی بەڕازیلیی پاولۆ کۆیلۆ، تووڕەیی و ناڕەزایی خۆی بەرامبەر بە دەسەڵاتدارانی ئەمنیی شاری ئەلمەرجی ڕۆژھەڵاتی لیبیا دەربڕی، بە ھۆی دەستبەسەرداگرتنی بارھەڵگرێک، کە کتێبی تێدا بووە، لە ڕێگەیدا لە توبرەقەوە بەرەو بنغازی، کە ژمارەیەکی زۆری کتێبەکانی پاولۆ کۆیلۆشی تێدا بووە.
پاولۆ کۆیلۆ ھەستا بە بڵاوکردنەوەی ئەم ھەواڵە و دەستبەسەرداگرتنی ئەو بڕە لە کتێبەی ئیدانە کرد، کە لە لایەن سەرۆکی دەستەی گشتیی راگەیاندن و ڕۆشنبیریی کۆمەڵی مەدەنی، دەستیان بەسەردا گیراوە لە لیبیا. ئاماژەی بەوەش کرد، کە ناوەڕۆکی کتێبەکان ئاسایی بوون، پێک ھاتبوون لە کۆمەڵێک ڕۆمان و چەند کتێبێکی تر، ناوەڕۆکی کتێبەکانیش بەو جۆرە نەبوون کە بەرپرسانی ئەو وڵاتە باسی دەکەن.
Contacting the Brazilian embassy. There’s little they can do but I can’t just sit and watch my books being burned https://t.co/7s6FnWwMlz
— Paulo Coelho (@paulocoelho) January 23, 2017
کۆیلۆ لە ھەژماری تایبەتیی خۆی لە تویتەر، نووسیویەتی:”پەیوەندیم بە باڵیۆزی بەڕازیلەوە کردووە لە لیبیا، ئەوان شتێکی کەمیان لەدەست دێت، بەڵام من ناتوانم ئاوھا دابنیشم و تەماشای کتێبەکانم بکەم کە دەسووتێن.“
Islam is a religion that deserves our respect. We can’t judge muslims based on these fanatics pic.twitter.com/cxwWPNej2L
— Paulo Coelho (@paulocoelho) January 23, 2017
پاولۆ کۆیلۆ لە بڵاوکراوەیەکی تردا نووسیویەتی:”ئیسلام ئایینێکە دەبێت ڕێزی بگرین، ئێمە ناتوانین بڕیار لەسەر موسڵمانان بدەین بەھۆی کاری ھەندێک کەسانی دەمارگیرەوە.“
ڕۆمانەکانی پاولۆ کۆیلۆ بەوە جیا دەکرێنەوە کە واتایەکی ڕۆحییان ھەیە و کەسانی ئاسایی دەتوانن بیخوێننەوە و تێیبگەن، ھەروەھا پشت بە ڕووداوە مێژوویی و واقیعییەکان دەبەستێت بۆ بەرجەستەکردنی ڕووداوی ناو چیرۆکەکانی.
ساڵی ٢٠٠٧ پاولۆ کۆیلۆ وەک نێردەی ئاشتیی نەتەوە یەکگرتوەکان دەستنیشان کرا. ڕۆمانی کیمیاگەر بە ناودارترین کاری دادەنرێت، کە وەرگێردراوەتە سەر هەشتا زمانی دونیا و ڕێژەی فرۆشی گەیشتووەتە سەد و پەنجا ملیۆن دانە لە سەرانسەری دونیادا.
Copyright © DidiMn.com. All rights reserved.
