23/10/2021
DidiMn Logo
Top

کورتەفیلمی ”کۆڤید 69“ به‌رهه‌م ده‌هێنرێت

لە لایەن دیدی من 11 مانگ پێش ئێستا

سینەماکارى کورد کەریمۆک غەفور لە چەند ڕۆژى داهاتوودا دەست بە وێنەگرتنى فیلێکى نوێ دەکات بە ناوى ”کۆڤید69”

ئەم فیلمە سیناریۆى سەفین قانع و نواندنى هەریەک لە (هەردێ سەمیر و سارا عیزەت)ە، هەروەها بە بەشدارى هەریەک لە (فاروق کۆیی، بەڵێن کاوە، بڕوا عوسمان، ئامانج مەولود). کۆمپانیای سوڵیوود و کورد پیکچەر پڕۆداکشن، بە هاوکاری پارێزگای سلێمانی كاری به‌رهه‌مهێنانی فیلمه‌كه‌یان گرتووه‌ته‌ ئه‌ستۆ.

کەریمۆک له ‌باره‌ی فیلمه‌كه‌وه‌ ده‌ڵێت: هەمیشە پێم وایە دەبێت دەست بۆ ئەو بابەتە هەستیارانەی ناو کۆمەڵگه‌ ببەین کە لەگەڵیدا دەژین و قسەکردن لەسەریان بڤەیە، ئەو مژارانەی بەشێک لە کۆمەڵگەی ئێمەی بەخۆوە سەرقاڵ کردووە و نابنە سەرچاوەی فیلم و تێکستی ئەدەبی. ئیشکردن لەسەر ئەم بابەتانە هەم بوێری دەوێت و هەم هەستیاری، بوێری بەو مانایەی کۆمەڵگە خۆی لە باسکردنیان دەبوێری و ترسی گەورەی هەیە ببنە بابەتی وتووێژ، بۆیە وەک پشیلە هەر خەریکی شاردنەوەی ئەم پاشەڕۆیانەن، لە ئەنجامدا بە چەندین شیوازی ناسروشتی و نەشیاو هەندێک جاریش تاوان بەدیار دەکەون.

هه‌روه‌ها وتیشی: من لە فیلمی (کۆڤید ٦٩)دا، ئەم جۆرە پەیوەندییانە بە نەخۆشی ناو دەبه‌م، ڕێک وایە کە چاودێری و ترس و تۆقین تێکەڵی پەیوەندییەکان بوو، کارەکتەرەکان سروشتییانە مامەڵە ناکەن، ئیدی نەخۆشییەک دروونی مرۆڤەکان لە بارێکی نائارام و نائاسایی دەهێڵێتەوە و دەبێتە هۆکاری چەندین گرفتی کۆمەڵایەتی کە ڕۆژانە لە میدیاکانەوە دەیبیستین و دەیبینین.

ئه‌م بابه‌ته‌ شه‌یر بكه‌

Cinema,