بە چەند کارێکی ئیلوسترەیشن، هونەرمەند ڕاشین خەیرییە سوعبەت بە دێڕە شیعرییەکانی شاعیری کلاسیکی کوردی، نالی دروست دەکات.
ڕاشین خەیرییە لە ساڵی ١٩٧٩ لە خوڕەمشەهری ئێران لەدایک بووە، ئیلوسترەیتەر، دەرهێنەر و شێوەکارە و براوەی چەندین خەڵاتی جیهانییە. زیاتر لە شەست کتێبی منداڵانی لە وڵاتەکانی وەک فەڕەنسا، ئیتاڵیا، ئەمەریکا، یابان، ئەڵمانیا، ئیسپانیا، کۆریای باشوور، هیندستان و ئێران بڵاو کردووەتەوە. زیاتر لە پەنجا خەڵاتی نەتەوەیی و نێودەوڵەتیی بەدەست هێناوە بۆ کارە ئەنیمەیشن و ئیلوسترەیتەرەکانی.
براوەی خەڵاتی نوێی هۆریزۆن بووە لە پێشانگەی کتێبی پۆڵۆنیا لە ئیتاڵیا، هەروەها براوەی خەڵاتی ئاڵتوونیی ئەپڵە لە ئیلوسترەیشنی بیناڵێ لە سلۆڤاکیا.
ئەو خاوەنی دکتۆرایە لە کاری ئیلوسترەیشنی منداڵاندا لە تاران، هەروەها خاوەنی ماستەریشە لە گرافیک دیزاین لە زانکۆی زەهرە لە تاران، هەروەها هونەری بینراویشی لە نیویۆرک خوێندووە.
لە زانکۆی ماریلاند لە بەشی هونەری وانە دەڵێتەوە.
ڕاشین کاری ئیلوسترەیشن بۆ نیویۆرک تایمز و چەندین خانەی بڵاوکەرەوەی تر کردووە.
ئەو لە ئێستادا لە واشنتۆنی پایتەختی ئەمەریکا دەژی.
Copyright © DidiMn.com. All rights reserved.
