ئێمە مێژووەکەمانین

لە لایەن دیدی من 8 ساڵ پێش ئێستا

ئێمە مێژووەکەمانین

دیدی من– ئاڕت پیپڵ گەلەری

لە ئینگلیزییەوە: هەڵۆ فەریق

مەرزییە موهەمەدمیری، فۆتۆگرافەرێکی ئازادە. خاوەنی بڕوانامەی ماستەرە لە زانستی تەلارسازیدا. لە ساڵی ٢٠١٣-وە لە دوو زانکۆ وەک وانەبێژ دەستی بە کارەکانی کردووە، مێژووی هونەر و فۆتۆگرافی دەڵێتەوە.

بەشێک لە فۆتۆکانی دەستنیشان کراون بۆ فیستیڤاڵی فۆتۆ و چەندین پێشانگای فۆتۆگرافی هاوبەش لە ئێران.

ئێرانیەکان زۆر شانازی دەکەن بەو کولتوورە گرنگە مێژووییەی بۆیان بەجێماوە. زۆرکات هەست بە نۆستالژیا دەکەن. نۆستالژیا زۆربەی کات، ئەو کاتانە هەست پێ دەکرێت کە کەسێک دەگات بەوەی ژیانی ئێستای بەختەوەری تێدا نەماوە. زەینی مرۆڤ دەگاتە ئەو دەرئەنجامەی کە ژیان و بارودۆخی ئێستای، وەک ژیانی جارانی خۆش نییە. هەموو ئەمانە وای لێدەکەن هەست بە نۆستالژیا بکات، بۆ ئەوەی کەمێک هەست بە بەختەوەری بکات.

ئێرانیەکانیش لەبری ئەوەی چییان لەدەست دێت بیکەن بۆ گۆڕینی ئەو ژیانە نائارامەی ئێستایان، یاخود لەبری کارکردن بۆ گەڕانەوەی ئەو سەردەمە تەڵاییە، زۆربەیان دانیشتوون و تەنها خەیاڵی ئەو مێژووە بەنرخە دەکەنەوە.

HaloFariq, Iran, MarziyaMohamadMiri, Nostalgia, Photography,