خوێنەر و کتێب: گرنگیی کتێبی تێکشکانی بەهاکانی خوێندکار
لە لایەن دیدی من 4 ساڵ پێش ئێستا
دیدی من
کتێب: تێکشکانی بەهاکانی خوێندکار
نووسەر: فایەق سەعید
خوێنەر: کۆسار عەبدوڵا
ئەم کتێبە ساڵی ۲۰۰٤ مامۆستا فایەق سەعید نووسیویەتی، تێیدا
ئاماژە بە گەشەسەندنی بیرکردنەوە لای منداڵ و چەندین شێوازی وانەگوتنەوە و
گرنگرترین گرفتەکانی پەروەردە لە هەرێمی کوردستان دەکات.
لەم کتێبەدا ئاماژە بە چەند بابەتێکی زۆر
گرنگ دراوە، بە داخەوە ئەوەی جێی سەرنج و سەرسووڕمانە، تا ئێستا لە کوردستان هەر
گرفتن و هیچ یەکێک لەو گرفتانەی لەم کتێبەدا ئاماژەی پێ کراوە، چارەسەر نەکراون.
- قۆناغەکانی
گەشەسەندنی بیرکردنەوەی منداڵ و تیۆرییەکانی پیاژێ، کە
گرنگی بە بەرکەوتنی خودی منداڵ دەدات لەگەڵ زانیارییەکاندا. هەروەها منداڵ چۆن بەپێی
لێکدانەوەی ناو مێشکی خۆی تەفسیری شتەکانی دەوروبەری دەکات و وردەوردە لەگەڵ
بەرکەوتنی لەگەڵ شتی نوێدا، زانیارییەکانی گەشە پێ دەدات. دواتریش
تێڕوانینەکانی ڤیگۆتسکی لەبارەی کاریگەری و ڕۆڵی زمان و سیستەمی کۆمەڵایەتی بەسەر
مێشکی منداڵەوە دەخاتە ڕوو.
- ڕۆڵ
و گرنگیی یاریکردن وەک بەشێکی گرنگی مۆدێلی نوێی وانەگوتنەوە و کاریگەرییەکانی
لەسەر فێربوونی منداڵ. هەروەها یاریکردن چۆن دەتوانێت ڕۆڵێکی گەورە بگێڕێت لە
فێربووندا.
- یەکێکی
تر لەو گرفتاتە ”دیداکتیک”ە، کە ساڵی پار (٢٠١٩) کتێبێکی نوێی بۆ تەرخان کرد و
ئێستا لە بەردەستی خوێنەردایە. لێرەدا باسی نوێترین شێوازەکانی وانەگوتنەوە و
گرنگیی گفتوگۆ و یاریکردن و بەکارهێنانی ئامڕازە نوێیەکانی فێربوون دەکات. بە تایبەتی لەسەر ئەوە دەوەستێت کە نەبوونی
گفتوگۆ و پێدانی کۆمەڵێک زانیاریی کۆنکرێتی لە وانەی ئایین و وانەکانی تردا، بەبێ
گفتۆگۆ و بەشداریی خوێندکاران، چەندین زیانی گەورەی دەبێت لەسەر داهاتوی
خوێندکاران و یەکترقبووڵنەکردن و توندوتیژی.
- لە
بەشی چوارەمدا لەسەر ئازاردانی خوێندکار لە لایەن مامۆستا و خوێندکارانی ترەوە
دەوەستێت و باس لەو چەندین جۆرەی ئازاردان دەکات لە پەروەردەی ئێمەدا و کاریگەرییە
دەروونییە خراپەکانی لەسەر منداڵان و ڕەنگدانەوەی لە کۆمەڵگەدا.
- لە
بەشێکی تریشدا لەسەر ڕێزنەگرتن لە خواستەکانی یەکدی و نەبوونی تۆلێرانس و چۆنێتیی
کاریگەریی دەسەڵات و توندوتیژی و دووبارە بەرهەمهێنانەوەی هەمان سیستەمی خراپ
دەکات لە ناو هەموو کایەکانی تری کۆمەڵگەدا.
Book, Education,
