14/12/2018
DidiMn Logo
Top

ڤان کوخ بۆ تیۆ، نامەی شه‌شه‌م

لە لایەن دیدی من 1 هەفتە پێش ئێستا

دیدی منمەکتەبە عامه‌
ئیسلام عیسمەت
لە عەرەبییەوە: زرار حامید

 

ڤان کۆخ لەگەڵ تیۆی برای لە ساڵی 1886دا کۆمەڵێک نامەی زۆریان ئاڵوگۆڕ کرد، کە داوای لە تیۆ کرد پەیوەندیی پێوە بکات و بێت بۆ پاریس. تیۆ باش دەیزانی کە باری دەروونیی براکەی چۆنە، هەر بۆیە ڕازی بوو کە بچێتە پاریس.

ڤان کۆخ زیاتر لە 700 نامەی لەگەڵ تیۆ ئاڵوگۆڕ کردووە، کە پەیوەندییەکی باش و بەهێز لە نێوانیاندا هەبووە. ڤان کۆخ لە نامەکانیدا باسی بارودۆخی خۆی و باری دەروونی و ژیانی خۆی و چالاکییەکانی بۆ تیۆی برای کردووە.

ئێوارەی ڕۆژی یەکشەممە، بەرواری 1890/7/27، ڤینسێنت ڤان کۆخ دەمانچەیەکی لەگەڵ خۆی برد و چووە ناو یەکێك لە کێڵگەکانی نزیك پاریس، لەوێ فیشەکێکی بە سەر دڵی خۆیەوە نا. بەڵام لەوێدا نەمرد؛ هێنرایەوە بۆ ماڵەوە و تیۆ ئاگادار کرایەوە. ئەو ماوەیەی کۆتایی ژیانی، هەمووی لەگەڵ تیۆی برایدا بەسەر برد. تیۆ دوای مردنی ڤان ئاماژەی بەوە کرد کە براکەی دەیویست خۆی بکوژێت و ئەو دێڕەی ڤان کۆخی دەگوتەوە، کە لە سەرەمەرگدا پێی گوتبوو: ”خەم شتێکی نەمرە و بۆ هەتاهەتایە دەمێنێت.“

تیۆ، دوای شەش مانگ لە مردنی ڤان کۆخ کۆچی دوایی کرد و لە ئۆتراخت بەخاک سپێردرا، بەڵام لەساڵی 1914 خێزانەکەی داوای کرد کە ڕووفاتی تیۆ بهێندرێتەوە و لە پاڵ ڤان کۆخ بە خاك بسپێردرێت.

لێرەدا هەندێك لەو نامانە دەخەینە ڕوو کە ڤان کۆخ بۆ تیۆی برای ناردووە و لە ڕێیانەوە دەکرێت درك بە بەشێك لە ژیانە پڕ نهێنییەکەی ڤان کۆخ بکەین، وەك یەکێك لە دیارترین هونەرمەندەکانی دنیای هونەر…

کات‌ و شوێن نادیارە

وا دیسان نامەت بۆ دەنێرم. باسی خۆمت بۆ دەکەم، لە نامەی پێشوودا ئامۆژگاریم کردیت کتێبەکانت لە ناو ببەیت، بەڵی ئەو کارە بکە، ئەوکات هەست بە ئاسوودەیی دەکەیت، بەڵام ئاگاداربە نەبیت بە کەسێكی کورتبین و ئیتر هیچ شتێکی باش نەخوێنیتەوە! بەڵکو بە پێچەوانەوە، کتێبە باشەکان ئاسوودەییت پێ دەبەخشن، شتەکان هەرچەندە ڕاستەقینە بن، هەرچەندە دادپەروەرانە بن، هەرچەندە دانسقە بن، هەرچەندە جوان بن… تۆ لە ناو هەموو شتەکاندا بە دوای ڕۆشنایی و ئازادیدا بگەڕێ و بیرکردنەوە لە شەڕەنگێزی سەرقاڵت نەکات.

برات،
ڤینسنت

nama, Van Gogh,