بەرگی دیوانی «فەرهەنگی نیوەشەو» بە زمانی ئینگلیزی
ناوەندی فۆنێم میدیا و دیپ ڤێللوم لە ئەمریکا هەڵبژاردەیەک لە شیعرەکانی نووسەر و شاعیری کورد عەبدوڵڵا پەشێویان لە دووتوێی کتێبێکدا بە ناوی «فەرهەنگی نیوەشەو» چاپ و بڵاو کردەوە.
شاعیر و وەرگێڕی ئەمریکایی ماریا لێڤنسۆن لابرۆس هەڵبژاردەیەک لە شیعرەکانی دیوانی فەرهەنگی نیوەشەوی عەبدوڵڵا پەشێو لە زمانی کوردییەوە کردووەتە ئینگلیزی و نووسەری ئەمەریکایی ولیەم ڤۆڵمەن پێشەکیی بۆ نووسیوە.
کتێبەکە لە 385 لاپەڕە پێک هاتووە و تەواوی شیعرەکان بە زمانی کوردی و ئینگلیزی لە کتێبەکەدا هەن.
عەبدوڵڵای پەشێوی شاعیر لە لاپەڕەی فەڕمیی خۆی لە فەیسبووک دەربارەی بڵاوبوونەوەی کتێبەکە نووسیویەتی: “وەرگێڕانی ئەم هەڵبژاردەیە چەند ساڵێکی خایاندووە و ڕەنجێکی زۆری بۆ دراوە، خاتوو لابرۆسی لە پێشەکییەکەی خۆیدا ئەمەی درکاندووە. پەخشکاران ناوی دیوانەکەیان لە سەرەتای هۆنراوەیەکی حەفتاکان وەرگرتووە: ئەمشەو دەستم بۆ فەرهەنگی نیوەشەو برد،/ وشەکانی مێروولە بوون،/ لەبەر دەمما ڕایان دەکرد.”
لە باشووری کوردستان، چاپی ئۆریجناڵی کتێبەکە لە کتێبخانەی پەیک بە نرخێکی گونجاو دەست دەکەوێت.
Readers in Kurdistan and Iraq can snag this bilingual edition at @PeykBooks! https://t.co/uVBa3Qg5Pa
— Phoneme (@PhonemeMedia) September 11, 2020
Copyright © DidiMn.com. All rights reserved.
