نوێترين فيلمى سينەمايى مەجيد مەجيدى بڵاو دەكرێتەوه

لە لایەن دیدی من 7 ساڵ پێش ئێستا

ديدى من –  ئەنديشێها

لە فارسييەوە: سەليم جەمال

 

كارى وێنەگرتنى نوێترين بەرهەمى سينەمايى مەجيد مەجيدیی دەرهێنەر، سيناريست و ئەكتەرى ناودارى فارس، بە ناوى لەوديو هەورەكانەوە، بەرەو تەواوبوون دەچێت و بڕياره به‌ سێ زمان له‌ ڕۆژى 23/3/2018 نمايش و بڵاو بكرێتەوه.

ماوەيەكى زۆره كارى وێنەگرتنى ئەو فيلمه لە وڵاتى هيندستان بەڕێوە دەچێت؛ هەروەها مەجيدى سوودى له ئەكتەره ناودارەكانى ئەو وڵاته وەرگرتووە، وەك؛ ئيشان خاتير، شاهيد كاپوور و مالاويكا مۆهانان. له‌ ئێستادا هاوشانى گرووپەكەى سەرقاڵى پێداچوونەوەى ئەو بەرهەمەن، كه لە شارى بۆمباى وڵاتى هيندستان، كارى وێنەگرتنى بۆ ئەنجام دراوه.

لەوديو هەورەكانەوه، لە دەرهێنان و سيناريۆى مەجيد مەجيدیيه، بەرهەمهێنانى ئەو فيلمه لە ئەستۆى كۆمپانيايەكى وڵاتى هيندستانه. بەگوێرەى بەدواداچوونەكانى پەيامنێرى سينەمايى فارس، كارى مۆنتاژكردنى نوێترين فيلمى مەجيدى لە لايەن مۆنتاژكارێكى فارس، ئەنجام دراوه.

هەر بەپێى ڕاپۆرتى پەيامنێرى سينەمايى فارس، يەكەم كەڤەرى سەرەكیی فيلمى لەوديو هەورەكانەوە لەگەڵ بەڕێوەچوونى شەستوحەوتەمين ڤێستيڤاڵى نێودەوڵەتیی فيلمى بەرلين لە بازاڕى فيلمى ئەوروپا پەلكێش كرا. لەگەڵ بڵاوبوونەوە و تێڕامان له كەڤەرى ئەو  فيلمه، پێدەچێت چيرۆكەكەى باس له مێردمناڵ و گەنجان بكات. وەك ئەو فيلمانەى كە مەجيدى لە ڕابردوودا بەرهەمي هێنان و زۆر بەپەرۆش بوو بۆى. هەروەها پەسنى عەشق و ژيان و جۆربەجۆرى پەيوەندیی مرۆڤەكان بە يەكديیەوه دەكات.

ئه‌مه‌ یه‌كه‌م كاری ئه‌م ده‌رهێنه‌ره‌یه‌ له‌ بۆڵیوود، مه‌جیدی ده‌رباره‌ی ئه‌م به‌رهه‌مه‌ی ده‌ڵێت: ”فلیسازانی وه‌ك ساتیاجی ڕای، كه‌ سه‌رسامم به‌ كاره‌كانی، كه‌لتوور و ناسنامه‌ی نه‌ته‌وه‌یی و ژیانی خه‌ڵكی ئاساییان پێشانی بینه‌ری جیهانی داوه‌. ئه‌و وێنه‌ و دیمه‌نانه‌ ساڵانێكه‌ له‌ زه‌ینمدا ماونه‌ته‌وه‌ و دواجار وایانلێكردم فیلمێك له‌ هیندستان دروست بكه‌م.“

[aesop_video align=”center” src=”youtube” id=”J-IzGBU344M” caption=”تره‌یله‌ری فیلمی له‌ودیو هه‌وره‌كانه‌وه‌” disable_for_mobile=”off” loop=”on” autoplay=”on” controls=”on” viewstart=”on” viewend=”on” revealfx=”frombelow” overlay_revealfx=”off”]

Beyond the Clouds, Cinema News, Indian Cinema, Majid Majidi, Persian Cinema,