گوتم لەگەڵم وەرە و کەس نەیدەزانی بۆ کوێ،
یانژی چۆن ئازارەکانم لێدەدەن.
هیچ گوڵە مێخەک و بارکارلۆیەک بۆ من نیە،
تەنها زامێک کە عەشق ئاوەڵایکردبوو.

دەمودەست ئامادەیە؛ هەموو چرکەکانی ڕۆژ، هەموو ساتەکانی ئێواران و سەرتاپای شەوەکان. بەیانیان لە خەو هەڵیناستێنم. بە خشپەیی لە جێگەکەم هەڵئەستم. بێ ئەوەی ورتەم لێوەبێت خۆم ئەگۆڕم، نانێک ئەخۆم. سەیرێکی خۆم ئەکەم و پێڵاوەکانم لەپێئەکەم، ڕاستەوڕاست بۆ دەرەوە.

ئێستا کە ئاوڕ لەو ئازارە دەدەمەوە،
لە ڕێگەی ئەو ژنەوە چەشتم،
هەست بە شەرمەزاریی دەکەم کە هێندە بێتاوان بووم.
دەبێ ددانی پێدا بنێم،
کە ئەو ژنە منی لەگەڵ خواردنەوەی بەردەوام ڕاهێنا.

ئێستاش ئەو کاتەم بیر کە بۆیەکەمجار کتێبێکی (نەجیب مەحفوز)م خوێندەوە، لە کتێبخانەیەک کتێبێکی بچوکم هێنا بەناوی “دنیا الله”،  کۆمەڵێک کورتە چیرۆک بوو لە ساڵی 1962 بڵاوکراوەتەوە، دوای خوێندنەوەی کەوتمە ژێر کاریگەری چیرۆکەکانی، بە تایبەتی یەکێک لە چیرۆکەکانی بەناوی “زەعبەلاوی”، ئەم چیرۆکەیان باس لە کەسێک دەکات بەدەست نەخۆشی ئێسک دەناڵێنێت و چارەسەری بۆ نادۆزرێتەوە