ڕۆژگارێک پاسەوانی دەریا بووم
ئاوم دەخوێندەوە
شەپۆلەکان دۆستم بوون
بام دەناسی
سەدان شەو ئەستێرەم لە دەریادا بینییوە

لە جیهانێکدا کە هەمووان بەپەلەن بگەن بە کۆتاییەکان، چیرۆکەکان هێندەی خواردنی خێرا زۆرن و دەخرێنە بەردەممان. سینەمای کیاڕۆستەمی دەبێتە بەرەنگارێکی نەرمی ئەم پەلەپەلە. ئەم چەشنە لە گێڕانەوە ئاڵنگاری شێوازە باوەکەی گێڕانەوە دەبێتەوە، بە جۆرێک کە ئامانج تێیدا پێشکەشکردنی کۆتاییەکی ڕوون نییە

عەباسی کیاڕۆستەمی، دەرهێنەری گەورەی ئێرانی، ئۆتۆمبێلی وەک تووخمێکی بەهێزی گێڕانەوەی چیرۆک بەکارهێناوە، کە ئەرکە باوەکەی خۆی وەکوو ئامرازێکی گواستنەوە تێپەڕاندووە. بەمەش بووەتە ڕووبەرێکی بەرفراوان بۆ گفتوگۆی قووڵ، تێڕامانی فەلسەفی و پەیوەندی مرۆڤ بە شوێنەوە. ئەرکی ئۆتۆمبێل لە فیلمەکانیدا لە هۆکارێکی ئاسانکردنی جووڵە زیاترە

چەند پارچەیک لە کۆی هایکۆکانی کیاڕۆستەمی لە کتێبی «با و گەڵا؛ با لە زمانی گەڵاوە، گەڵا لە زمانی باوە». لە ئێستادا خەریکی وەرگێڕانی تەواوی کتێبەکەم و بۆ یەکەمجار ئەم پارچانەی پێشکەشی پەڕاوی کیاڕۆستەمی دەکەم لە دیدی من.